زيادة أسعار السيارات الجديدة
في مصر 5% .. ارتفاع متوقع في يوليو لـ 3 أسباب
السلام عليكم ورحمة الله وبركاته
متوقع خلال شهر يوليو، ارتفاع فى اسعار العربيات الزيرو فى مصر ،
بنسبة تصل إلى 5% مقارنة بالفترة الحالية، تزامنا مع استمرار تداعيات فيروس
كورونا،
ارتفاع أسعار السيارات الجديدة في مصر هتكون لـ3 أسباب،
أولها نقص
السيارات الواردة من الخارج بسبب
حالات الإغلاق الموجودة في المصانع عالميا بسبب فيروس كورونا ،
السبب الثانى وجودة زيادة تصل لـ3 أضعاف في سعر شحن السيارات من
الخارج،
السبب الثالث زيادة المبيعات في الربع الأول من 2021، والإقبال الشديد
واللى هيخلى الوكلاء يرفعوا السعر على امل
استمرار الإقبال.
سعر شحن العربية زاد 3 أضعاف
الايام الجايه هتشهد زيادة في أسعار السيارات الجديدة في مصر، بسبب
نقص المعروض وتراجع الوارد من الخارج، و زيادة الإقبال وكل ده بيعزز فرص استمرار
الارتفاع في السعر.
السوق لحد دلوقتى يشهد حالة
من الغموض، وفى تقلبات في أسعار السيارات،
وال «أوفر برايس» شغال وهيستمر لحد نهاية 2021، طالما المعروض من
السيارات لا يلبي حجم الطلب، ووصلت قيمته بين 20 إلى 200 ألف جنيه حسب نوع العربية
والفئة السعرية.
نقص العربيات ده بتعاني منه
جميع دول العالم اللى بتنتج حوالى 91 مليون عربية ، وثلث الكمية دى بتنتج في
الصين، وهي شريكة في أكثر من 80% من مواد تصنيع السيارات فى كل شركات السيارات ،
وبسبب انخفاض الإنتاج من الصين بنسبة 50% حصل تأثر في الأسواق العالمية ومنها مصر
عموما الفترة الجاية هيكون فيها مفاجئات كتيرة
اشوفكم على خير
سلام