مقارنة صادمة: الغاز ضد البنزين في العربية.. هتستغني عن البنزين؟ هل الغاز الطبيعي بيأثر على محرك العربية؟.. الحقائق كاملة

مقارنة صادمة: الغاز ضد البنزين في العربية.. هتستغني عن البنزين؟  

هل الغاز الطبيعي بيأثر على محرك العربية؟.. الحقائق كاملة 

مقارنة صادمة: الغاز ضد البنزين في العربية.. هتستغني عن البنزين؟

هل الغاز الطبيعي بيأثر على محرك العربية؟.. الحقائق كاملة

لو بتفكر تحول عربيتك للغاز.. شوف الفرق قبل ما تبدأ

الغاز بيوفر فلوس.. لكن هل بيوفر أداء؟ الإجابة هنا

امشيها بنزين ولا اركب غاز..

مقارنة هنعملها بين الغاز الطبيعي و البنزين في السيارات ومين فيهم الأفضل؟

السؤال ده بيتكرر كتير وخصوصا للي بيفكر يشغل عربيته مع شركات النقل الذكي زى اوبر وديدي وإندرايف

ناس كتير قبلي اتكلموا في الموضوع ده لكن منهم اللي شكر في الغاز ومنهم اللي حذر منه

انا بقا جاى النهاردة علشان اقفل الجدل ده كله وهكلمك بالعلم والمعادلات وفي الآخر هقولك رأيي الشخصي

وهفهم حضرتك مين فيهم ينفع عربيتك أكتر؟

بس تابع الفيديو للنهاية علشان الفكرة توصلك كاملة

الفرق الأساسي بين الاتنين

بالنسبة للبنزين

ده الوقود التقليدي اللي كلنا عارفينه واللي المحركات متصممة اصلا عليه رغم ان في بعض التعديلات اللي

حصلت على محركات العربيات من بعد سنة 2000 علشان تقدر المحركات تستقبل بنزين اوكتان عالي

سعر البنزين دلوقتي غالي ولسه اكيد طبعا هيغلى تاني وتالت

البنزين موجود في كل المحطات ومنتشر في كل مصر من غير مشاكل

اما الغاز الطبيعي (السي ان جي)

فهو البديل الإقتصادي في السنين الأخيرة

سعره أرخص من البنزين بس برضوا بيزيد مع زيادات البنزين

محطاته أقل شوية من البنزين وفي طرق مش هتلاقي عليها محطات غاز لكن مش هتواجه مشكلة لأنك هتتحرك بالبنزين

لحد ما توصل لمحطة الغاز

المقارنة هنبدأها

من ناحية الأداء

بالنسبة للبنزين

بيديك عزم أحسن في العربية

الأداء عادة بيكون مظبوط لأن المحرك متصمم على النوع ده من الوقود

مش بيحتاج تعديلات كتير في الموتور وبتحتفظ بمساحة الشنطة بتاعتك كاملة وده مهم للعربيات الهاتشباك

اما الغاز

بيخلي العزم يقل شوية (حوالى 10%)

الأداء بيكون كويس لكن السحب والتسارع مش زي البنزين

بيحتاج لصيانة دورية وكشف على المنظومة

جزء كبير من شنطة العربية بتضحي بيه

لو عربيتك شغالة بالغاز الطبيعي.. أنت كده بتوفر كام في الشهر؟ 💸⛽

من ناحية التكلفة

بالنسبة للبنزين

لتر البنزين دلوقتي ساعة تسجيل الفيديو ال 92 سعره 17.25 جنية وال 95 سعره 19 جنية

يعني لو عربية بتشرب بنزين كتير بسبب مثلا ان الموتور مش مضبوط او السي سي عالي هتصرف فلوس كتير

اما بالنسبة للغاز

فهو أرخص من البنزين بحوالي 30-40%

وهتوفر حوالى من 700-800 جنيه لكل 1000 كيلومتر تقريباً

لكن تركيب منظومة الغاز في البداية غالي وتكلفته بتكون (حوالى من 23000-25000 جنيه) بس الشركات حلت المشكلة دي

ووفرت التركيب بطرق مختلفة من الكاش والتقسيط

طيب نتكلم بشكل علمي شوية ومش عاوزك تفصل مني ولا تجري الفيديو علشان تفهم الموضوع كويس لأننا هنتكلم في ارقام وإحصائيات

هات مشروبك المفضل وتعالى نفهم الموضوع ده صح

اولا :

أ. البنزين (Gasoline)

التركيب الكيميائي: خليط من الهيدروكربونات (C₄-C₁₂)

درجة الأوكتان بتاعته فى مصر: من 80 الى 97 وبيتحدد من الشركة المصنعة حسب نوع عربيتك

كثافة الطاقة: 34.2 MJ/L وده رقم مهم جدا وهقولكم ليه الرقم ده هينفعنا في المقارنة

نسبة الانضغاط في الظروف المثالية: 8:1 إلى 12:1

ب. الغاز الطبيعي (CNG)

المكون الرئيسي: الميثان (CH₄ > 90%)

درجة الأوكتان: ~120

كثافة الطاقة بتختلف حسب ضغط الغاز يعني مثلا لو ضغطنا الغاز في إسطوانة لحد ما وصل الضغط ل 200 بار

هتكون كثافة الطاقة 7.6 ميجا جول لكل لتر اما لو وصل الضغط ل 250 بار هتكون كثافة الطاقة 9.5 ميجا جول لكل لتر

نسبة الانضغاط في الظروف المثالية: 12:1 إلى 16:1 وهو ده الرقم اللي عامل مشاكل وبيخلي بعض محطات الغاز لما تضغط الغاز في الإسطوانة مره تمشيك عدد كيلو مترات كبير ومره تمشيك عدد اقل شوية على حسب قوة ضغط المحطة

نرجع للرقم اللي قولنا عليه مهم وهو رقم كثافة الطاقة

كثافة الطاقة (Energy Density) هي كمية الطاقة المخزنة في وحدة الحجم من المادة. ده تعريفها

إيه الكلام الكبير ده !!!

طيب ببساطة كده

في حالة الوقود مثلا الميجا جول دي هى وحدة قياس الطاقة واللتر هو وحدة قياس الحجم

يعني :

34.2 MJ/L معناها أن كل لتر من البنزين يحتوي على 34.2 مليون جول من الطاقة القابلة للتحرير عند الاحتراق الكامل.

فمثلا

الديزل او السولار فيه كثافة طاقة: ~38.6 MJ/L

الغاز الطبيعي فيه كثافة طاقة (CNG): ~9.5 MJ/L عند 250 بار ضغط

البطاريات الكهربائية فيها كثافة طاقة: ~0.9-2.5 MJ/L

طيب ايه تأثير كثافة الطاقة على أداء العربية:

كل ما زادت كثافة الطاقة → زادت المسافة المقطوعة لكل لتر

وبكده يبقا البنزين أعلى من الغاز الطبيعي CNG بـ 3.8 مرة في كثافة الطاقة (وده اللي بيفسر سبب الحاجة لخزان غاز أكبر علشان نمشي نفس المسافة اللى بيمشيها البنزين)

يعني مثلا

عربية 1600 سي سي متوسط استهلاكها هنقول ال 8 لتر بنزين بيمشونا 100 كم

الطاقة المستهلكة = 8 × 34.2 = 273.6 MJ لكل 100 كم

طب لو عايز اقطع مسافة 500 كم:

هتحتاج ≈ 40 لتر بنزين علشان احقق طاقة مستهلكة (1,368 MJ)ولو عاوز اقطع نفس المسافة بالغاز فأنا محتاج اسطوانة 150 لتر يعنى هتضحي بالشنطة والكنبة اللي ورا كمان

طيب الرقم ده مؤثر في ايه

مفيد للشركات اللي بتصمم خزانات الوقود علشان: تخزن طاقة أكبر في حجم أقل

بيأثر على كفاءة المحرك: لأن كلما زادت كثافة الطاقة → تحسن الأداء

وفي ملاحظة:هنا ان القيمة دي هى قيمة نظرية لما يكون في (احتراق الكامل)، وعمليًا مافيش حاجة اسمها إحتراق كامل

لأن اى محرك لازم يفقد ما لا يقل عن ≈25% من الطاقة بتاعته في الحرارة والاحتكاك.

كده فهمنا اهمية كثافة الطاقة

ندخل في نقطة تانية مهمة وهى :

أداء المحرك

طيب سؤال ناس كتير بتسأله

طالما الغاز الطبيعي أرخص.. ليه الناس كلها ما حولتش عربياتها غاز ؟

وعلشان نرد على السؤال ده لازم ندرس آداء المحرك مع الغاز والبنزين

اداء المحرك بيعتمد على

أ. الكفاءة الحرارية

البنزينكفائته الحرارية: 25-30% نظراً لأنه بيفقد الطاقة الحرارية

اما الغاز الطبيعي تصل كفائته الحرارية الى 35% وده بسبب:

ارتفاع نسبة الانضغاط

وان الغاز بيبقا الإحتراق فيه أنظف والإنبعاثات والرواسب الكربونية اقل جدا

وفي حاجة مهمة لازم نعرفها الأول هتفهمنا الموضوع كله وهي الرقم الأوكتاني

· العلاقة بين رقم الأوكتان للوقود ودرجة حرارة المحرك هي علاقة عكسية في الظروف العادية

· يعني ايه ؟

· يعني كلما زاد رقم الأوكتان:

o ↓ مقاومة الوقود للانفجار بتزيد والمقصود هنا (الاحتراق الغير مرغوب فيه)

او اللي بنسميه (unwanted combustion) .

o ↓ درجة الحرارة القصوى في غرفة الاحتراق بتنخفض، لأن الوقود عالي الأوكتان بيتحرق بسرعة أبطأ

وبشكل تدريجي ومنتظم غير الوقود الأقل اوكتان خالص

o مثالعلى كده:

§ البنزين أوكتان 95 → درجة حرارتة جوا غرفة الإحتراق أعلى.

§ الغاز الطبيعي ، اوكتانه ~120 → درجة حرارته جوا غرفة الإحتراق أقل.

طيب سؤال تاني الناس بتسأله

هل ينفع احط بنزين 92 في محرك مكتوبله بنزين 95 ؟

الإجابة آه ولأ في نفس الوقت !!

ايه يا عم الكلام ده

شوف يا اكسلانس آه ممكن احط بنزين اقل اوكتان مره او مرتين لو مجبر

ومش هيحصل حاجة طالما المحرك تنفس طبيعي مش تيربو ..

اما لو تيربو بلاش احسن

طب ولأ ليه

لأ علشان مش هينفع احط بنزين اقل اوكتان علطول

يعني آخرك مرتين تلاتة لو مش لاقي البنزين المناسب لعربيتك

واللي هتلاقيه مكتوب على غطا التانك او القايم اللي جنبك او تحت الكبوت

· الله طب ايه السبب

o السبب ان الوقود عالي الأوكتان بيقلل من الظواهر الحرارية المفاجئة (مثل الانفجار/الطرق)،

وبيخفض الضغوط ودرجات الحرارة العالية غير المنتظمة داخل المحرك.

· فمثلا البنزين (أوكتان 92) لو هنقارنه بالغاز الطبيعي (أوكتان 120+):

o البنزين: درجة حرارة الإحتراق بتاعه أعلى والذروة بتوصل ل~2800 كيلفن او 2526 سيلزيوس

وده بسبب ان احتراقه سريع وانفجاري أحيانًا وخلي بالك درجة الحرارة دي غير درجة حرارة اللهب

او اللي بنسميها درجة الحرارة القصوى اللي هنتكلم عنها كمان شوية في عيوب الغاز.

o اما الغاز: درجة حرارة الإحتراق بتاعه أقل وذروة إحتراقه ~2600 كيلفن او 2326 سيليزيوس

وده بسبب ان احتراقه منتظم وبطيء.

o وهنلاحظ ان ذروة الإحتراق في الغاز اقل والإنتظام في الإحتراق في الغاز اكثر

· وعلشان كده ماينفعش تستخدم وقود أوكتان منخفض في محرك مصمم لأوكتان عالي:

· يعني ما ينفعش عربيتي مثلا مكتوب عليها من الشركة المصنعة انها تحط بنزين 95 واجي انا احطلها

80 او حتى 92 طول الوقت, انما لو مرتين تلاتة مش مشكلة

→ لأن ده هيؤدي إلى ارتفاع غير مرغوب فيه في درجة الحرارة بسبب الانفجار المبكر

او بنسميه (النقر او الترزيع).

· يعني ماتفتكرش ان عربية مثلا زي المرسيدس مكتوب انها لازم تحط بنزين اوكتان 97 علشان الشركة خايفة

من الشوائب اللي في ال 92 , لا خالص

· الموضوع بإختصار ان المحرك متصمم لتحمل درجات حرارة وإنضغاط اقل علشان تبقا حركة البساتم

سلسه ومنتظمة وإهتزاز المحرك اقل ما يمكن ... ولو حصل مره وحطيت بنزين اوكتانه اقل

هتحس بعدم انتظام والعزم هيقل لأن الإحتراق بيحصل في غير ميعاده لكن كمبيوتر العربية

هيعدل وقت الإحتراق بس طبعا ده هيسبب إستهلاك بنزين اكثر وهيكون في إهتزاز وبرجله اكثر

·· خلاص فهمنا كده تأثير الاوكتان

طيب مؤشرات الآداء اللي هتنفعنا في المقارنة دي

في الطبيعي إسطوانات الغاز بيتم الضغط فيها لحد ما يوصل للنسبة الآمنة وهي

من 200 بار الى 250 بار اما في اوروبا فبتكون النسبة ثابتة 300 بار

احنا هنا في مصر هنحسب على نسبة ال 250 بار ده في حالة ان المحطات شغالة صح

طبعا كلنا عارفين ان الغاز الطبيعي قابل للانضغاط، وده معناه أن حجمه بيتغير مع الضغط

العلاقة بين الحجم والضغط بتتحسب بقانون بويل-ماريوت للغاز المثالي عند درجة حرارة ثابتة

والقانون ده بيقول P1​×V1​=P2​×V2​

· وبدون دخول في مواضيع هندسية هو ده القانون وهنا بعد التعويض في القانون ودي النتيجة

وهسيبلكم كل المعلومات دي في المدونة علشان لو حبيتوا ترجعولها

وهتلاقي رابط المدونة في الوصف تحت الفيديو

معنى كده ان لو عندي خزان 1 متر مكعب هياخد 4 لتر غاز طبيعي بضغط 250 بار

يعني الخزان بتاعنا ال 15 متر مكعب بياخد 60 لتر غاز طبيعي على ضغط 250 بار

وفي مصر الشركات عاملة 4 مقاسات للإسطوانات 40 و 60 و 70 و 90 واغلب العربيات السيدان بتركب ال 60 لتر

ال 60 لتر دول بيمشوك من 150 الى 200 كم يعني بيعادلو استهلاك من 20 الى 22 لتر بنزين ... تمام يا وزير

تمام

تعالوا نحلل الموضوع ده تحليل اقتصادي

أ‌. تكاليف التشغيل لو على الحسبه بتاعتنا ان العربية بتمشي 100 كم ب 8 لتر بنزين والرقم ده

يعتبر في اغلب العربيات حاليا ال 1600 سي سي اما العربيات ال 1500 سي سي بيكون استهلاكها

عادة 7 لتر لكل 100 كم

ب‌. احنا هنحسب على ال 8 لتر بتاعة سعة محركها 1600 سي سي

ب. علشان نحسب الاستهلاك صح

لازم نحدد معامل التحويل: لتر البنزين بيساوي 3.6 لتر غاز عند ضغط 250 بار وبيساوي 4.5 لتر غاز عند ضغط 200 بار

واغلب المحطات بتضغط 250 بار

يبقا خزان البنزين ال 50 لتر على الحسبة دي هيمشيني 600 كم تقريبا

وأسطوانة الغاز ال 15 م³ اللي فيها 60 لتر بضغط 250 بار هتمشيني 200 كم

لتر البنزين ب17.25جنيه

المتر المكعب من الغاز ب 7.5 جنية

لو حبينا نحسب

التوفير السنوي (لقطع مسافة 30,000 كم): يعني بمعدل تقريبا 100 الى 105 كم في اليوم اللي هو المعدل

بتاع الإنسان الطبيعي الملاكي اللي بيروح شغله الصبح ويرجع ينام وممكن ينزل مع صحابة بالليل على القهوة

لو هنحط بنزين هيكلفنا: 41,400 جنيه في السنة

اما لو هنحط غاز هيكلفنا تقريبا 17,775 جنيه

يعني بنسبة توفير سنوي 23,625 جنية

هتوفر في الشهر 1,970 جنية

اللي هو (توفير 57%) يعني حضرتك لو حولت عربيتك غاز هتوفر 57% من مصاريف عربيتك او 23,625 جنية خلال سنة كاملة ده في حالة ان إستهلاكك للعربية طبيعي وشغلك في نفس المحافظة اللي انت عايش فيها

خلي الرقم ده في دماغك وكمل معايا الفيديو وشوف يستاهل تركب غاز ولا لأ

لازم نتكلم برضوا في المقارنة دي على الأثر البيئي

أ. انبعاثات العادم من البنزين والغاز بيخرج فيها اول وثاني اكسيد الكربون وهيدرو كربونات

ومجموعة من اكاسيد النيتروجين وده جدول العوادم

وواضح طبعا ان الغاز اقل في الإنبعاثات

طيب بعد كل المعلومات دي هل الغاز فيه مشاكل؟.. الكلام ده صح ولا لا؟

هتتفاجئ بالحقيقة

هنتكلم عن الاعتبارات الفنية

زى الصيانة الدورية

لحساب تكاليف الصيانة الدورية للسيارة عند استخدام الغاز الطبيعي (CNG) مقارنةً بالبنزين، سنركز على العناصر الرئيسية التي تتأثر بنوع الوقود، مع تقدير التكاليف التقريبية في السوق المصري (2024):

تغيير شمعات الإشعال (البوجيهات)

 

تنظيف رشاشات الوقود (الانجكتر)

تغيير زيت المحرك والفلاتر

تنظيف صمامات البوابة (ثروتل بودي)

صيانة إضافية للغاز (خزان وفلتر غاز)

المقارنة السنوية (لـ 30,000 كم)

الخلاصة:

· التكلفة الإضافية للصيانة مع الغاز: ≈ 2,100 جنيه سنويًا لـ 30,000 كم.

· مع التوفير في الوقود (23,625 جنيه): يبقى التوفير الصافي ≈21,525 جنيه سنويًا.

· نصيحة:

o استخدم بوجيهات وإكسسوارات عالية الجودة المخصصة للغاز لتقليل تكاليف الصيانة.

o التزم بجدول الصيانة الدورية لتجنب أعطال مفاجئة.

ملاحظة:

هذه الأرقام تقريبية وقد تختلف حسب نوع السيارة وماركتها وجودة قطع الغيار المستخدمة.

تأثير درجات حرارة الاحتراق على أداء المحرك:

أ. البنزين

نطاق درجة الحرارة: 1,900 - 2,200°C

درجة الحرارة القصوى: ~2,100°C

سرعة انتشار اللهب: 35-50 م/ث

ب. الغاز الطبيعي (CNG)

نطاق درجة الحرارة: 1,700 - 1,950°C

درجة الحرارة القصوى: ~1,950°C

سرعة انتشار اللهب: 25-40 م/ث

كده يبقا لازم ندرس تأثير درجات الحرارة العالية دي على غرف الاحتراق

ووش السلندر والصبابات

ودي بنسميها الإجهادات الحرارية

هنلاحظ الحرارة اللي بتتعرض ليها الصبابات والبساتم اعلى في حالة البنزين

وكمان الإجهاد على وش السلندر وده لأن المشكلة مش في درجة الحرارة بس

لكن في قوة الإنفجار وده اللي بيسبب شروخ في وش السلندر وجدران الإسطوانة مع التشغيل لوقت طويل

والكلام ده كان بيحصل زمان في العربيات القديمة لأنها كانت مجهزة لبنزين اوكتان 80 و 90

وكانوا بيركبوا عليها منظومات الغاز بمفتاح تحويل مانيوال لكن في العربيات بعد سنة 2000

المحركات تطورت وكمان منظومات الغاز بقا فيها كنترول بيحدد قد ايه غاز وقد ايه بنزين

وده بيحمي وش السلندر

يعني برضوا مافهمناش انهي احسن الغاز ولا البنزين

محتاجين علشان نجاوب على السؤال ده نشوف توزيع الحرارة في المحرك

بالنسبة للبنزين:

توزيع غير متجانس للحرارة

بقع ساخنة (Hot Spots) حول البوجيهات

تدرج حراري حاد بين مناطق الاحتراق في البيستم

CNG:

توزيع حراري أكثر تجانساً

انخفاض في البقع الساخنة بنسبة 25-30%

تدرج متجانس واختلاف حراري أقل بين مناطق البيستم

بالنسبة للتأثيرات طويلة المدى على المحرك

زى تآكل المكونات

طب نبص على كفاءة التبريد

البنزين:

يحتاج نظام تبريد كفائته اعلى

بيحصل فيه فقدان حراري أعلى بنسبة 15-20%

CNG:

الحمل الحراري أقل على نظام التبريد

كفاءة التبريد أعلى بنسبة 10-15%

3. ولو هنبص على المنحنى اللي في الصورة اللي بيقارن منحنيات درجة الحرارة

أثناء دورة الاحتراق للبنزين والغاز

· هنلاحظ ان احتراق البنزين عبارة عن ارتفاع سريع في درجة الحرارة بعد الشرارة علطول (والإحتراق بتاعه سريع).

· وهنا هتلاقي ذروة حادة ثم انخفاض تدريجي خلال مرحلة التمدد.

· اما بالنسبة للغاز هنلاقي ارتفاع تدريجي في درجة الحرارة (لأن الإحتراق أبطأ).

· اما الذروة فهنلاحظ انها أقل حدة مع انخفاض أكثر استقرارًا.

جدول المقارنة النهائي

هنلاحظ في البيانات أن في انخفاض في درجة حرارة احتراق الغاز الطبيعي

بنسبة من ~150-250°C أقل من البنزين

وده بيوفر

ضغطاً أقل على نظام التبريد

عمراً أطول للمكونات

كفاءة أعلى في نقل الطاقة

بتوصي منظمة الطاقة العالمية (IEA) اللي هى International Energy Agency باستخدام الغاز الطبيعي CNG

في الحالات الآتية:

المركبات ذات الاستخدام اليومي المكثف

المناطق الحارة (لتقليل إجهاد التبريد)

الأساطيل التي تهدف لتقليل تكاليف الصيانة

نيجي بقا لعيوب الغاز ماهو مافيش حاجة في الدنيا كلها مميزات

احنا قولنا ان درجة حرارة المحرك بتبقا اقل في حالة الغاز لكن درجة حرارة اللهب في الغاز اعلى وبتوصل ل 1950 درجة سلزيوس

والبنزين اللهب بتاعه اقل وبيكون 1750 درجة سيلزيوس والسبب ان الغاز إختلاطه بالهواء بيكون متجانس فبيسبب احتراق اسرع

واكثر كفائة

بسبب نقاء الميثان ونتيجة للكلام ده بيبقى في تآكل في البوجيهات اسرع وتآكل لصمامات العادم بسبب التعرض لحرارة مرتفعة

مدة طويلة

لكن حرارة المحرك الإجمالية اقل لأن الغاز بيولد حرارة اقل في غرف الإحتراق لكن حرارة اللهب المركزية عالية

تاني عيب في الغاز .. احنا قولنا ان الغاز مش بيسيب وراه شوائب لا في التانك ولا في الرشاشات ولا في غرفة الإحتراق

لأن الميثان غاز نقي بدرجة 90% لكن العيب هنا ان غاز الميثان لما بيتحرق بيسيب شوائب كربونية قليلة جدا

على صمامات البوابة Intake Valves لأن

الغاز ما بيمرش عليها على شكل سائل علشان ينظفها لكنه بيمر على شكل غاز عكس البنزين اللي بينظف البوابات قبل ما يتحرق

ثالث عيب شوائب الغاز القليلة جدا من الكبريت بتتفاعل مع الزيت بتاع المحرك مع الحرارة وبتخفف الزيت وبتكون رواسب

على طقم الشنبر

او بنسميها حلقات المكبس Piston Rings

علشان كده الغاز بنستخدم معاه زيوت معينه وبوجيهات من الاريديوم

وهو ده سبب تضارب الآراء بين الناس في حتة ان الغاز درجة حرارتة اقل ومافيش رواسب وفي نفس الوقت شديد على المحرك وبنحتاج

نغير زيت وبوجيهات وننظف بوابة ونعمل طقم شنبر كل فترة

السبب ان الغاز فعلا انظف من حيث الإنبعاثات ومش بيطلع رواسب للبيئة ودرجة حرارة المحرك الإجمالية بتكون اقل

لكن الغاز بيكون قاسي على

بعض اجزاء المحرك لأن اللهب والحرارة المركزية كبيرة والوقود جاف مش سائل زى البنزين علشان يبرد وينظف

وده بيسبب تآكل اسرع للبوجيهات والصبابات وعمر اقصر لطقم الشنبر

منظومات الغاز الحديثة بقت بتعمل حل للموضوع ده عن طريق كنترول خاص بمنظومة الغاز بينظم الغاز والبنزين

عن طريق انه يبخ مره بنزين كل

اربع او خمس مرات غاز والبنزين السائل ده بيبرد الحرارة المركزية وبينظف الصبابات

طيب ايه النصائح للي عايز يشغل العربية بتاعته غاز

استخدم بوجيهات من الإيريديوم المخصصة للغاز علشان بتتحمل الحرارة.

نظف صمامات البوابة كل 20,000 كم .

غير الزيت كل 7,000 كم (بدل 10,000 كم) لأن الغاز بيخفف الزيت بسرعة او ممكن تستخدم الزيوت

الخاصة بمنظومات الغاز.

طيب نهاية المقارنة كانت بفوز الغاز كوقود موفر على البنزين في كل المقارنات السابقة لكن ليه بعض العيوب اللي كتير منها

مبقاش موجود دلوقتي في منظومات الغاز الحديثة

لكن خلي بالك:

قبل ما تحول عربيتك للغاز.. كمل باقي الفيديو عشان متندمش بعدين

لو عربيتك هاتشباك او زيرو او السي سي اقل من 1400 وتحركاتك قليلة يعني من البيت للشغل والعودة مره في اليوم

مانصحكش بالغاز وخليك في البنزين احسن

اما لو بتسوق في المدينة كتير مثلا شغال اوبر وبتعمل 250 او 300 كم كل يوم او عربيتك قديمة وسفاحة بنزين

بسبب ان السي سي بتاعها عالى زى العربيات ال 6 سلندر او حتى ال 1800 وال 2000 سي سي وعاوز توفر،

انصحك تركب منظومة الغاز الحديثة لأنها هتوفر معاك توفير محترم

ونصيحة لو هتركب غاز تعاقد مع شركات الغاز المعتمدة وماتشتريش منظومة غاز قديمة مستعملة مخلوعة من عربية

اشتري جديد افضل واامن

وخلي بالك من الصيانة الدورية لو استخدمت الغاز وحاول في نهاية يوم شاق طويل 10 ساعات مثلا سايق

وانت راجع على البيت حول على البنزين يعني ابدأ يومك وانهيه بنزين

الموضوع في الآخر بيبقى حسب احتياجك.. لو عاوز توفير وبتسوق في المدينة كتير، الغاز اختيار ممتاز. لو عاوز أداء أحسن

وبتسافر كتير، ممكن البنزين يبقى عملي أكتر. المهم تعمل حسابك كويس قبل ما تاخد القرار.

ماتنساش تشير الفيديو علشان غيرك يستفيد ولو عجبك المحتوى اضغط لايك 💙 وكومنت بأي سؤال عندك أو رأيك حتى! 🔥"

ولو عندك تجربة مع الغاز أو البنزين، اكتبلي في الكومنتات

واشترك في القناة علشان يوصلك كل جديد عن السيارات

سلام