السؤال اللي بيجيلي أكتر من اسمي:
اشتري دلوقتي ولا استنى؟ الأسعار هتنزل ولا هتولع تاني؟'.
الناس خايفة تشتري النهاردة والأسعار
تنزل بكرة فتخسر، وخايفة تستنى والأسعار ترفع فتندم.
النهاردة هقولك الخلاصة من قلب السوق،
وهقولك امتى تكون 'برنس' لو اشتريت، وامتى تكون بتضيع فلوسك لو قررت تستنى."
إحنا حالياً في مرحلة الثبات الحذر.
المخزون كتير:
الوكلاء بدأوا ينزلوا موديلات السنة
الجديدة، والمخزون القديم موجود لسه .
الأوفر برايس:
بدأ يختفي في موديلات، ولسه ماسك في
موديلات تانية اللي هى
الموديلات المطلوبة والفئات العالية .
المستعمل:
أسعاره لسه ماسكة نفسها لأن اللي معاه
عربية خايف يبيع وميعرفش يجيب غيرها."
طيب امتى
تشتري "دلوقتي" فوراً؟
اشتري دلوقتي في 3 حالات مفيش غيرهم:
اول حالة : لو
لقيت سعر رسمي .. بمعنى
ان التوكيل فاتح الحجز أو المعرض بيبيع
بالسعر الرسمي بدون 'أوفر برايس'، ساعتها بس متفكرش .. لأن مفيش عربية سعرها الرسمي نزل قبل كدة في تاريخ مصر.
ثاني حالة : لو
عربيتك الحالية 'اتكهنت او بتصرف
مصاريف تصليح شهرياً أكتر من قسط عربية جديدة، يبقى الاستثمار في عربية تانية أوفر
لفلوسك ووقتك.
ثالث حالة : لو
معاك 'كاش' وخايف قيمته تقل
لأن الفلوس لو مركونة في البيت قيمتها بتقل طبعا، اما العربية فدي تعتبر
اصل بيحفظ قيمة الفلوس في مصر أحسن من
حاجات تانية كتير."
طيب امتى
"تستنى" ومتدفعش ولا مليم؟
استنى ومتتهورش في حالتين:
اول حالة : لوالعربية اللي عايز تشتريها عليها 'أوفر برايس' مبالغ فيه يعني
لو المعرض طالب 100 أو 200 ألف زيادة
عن السعر الرسمي، قوله 'شكراً' واستنى.
لأن السوق حالياً بيصحح نفسه والزيادات دي
أول حاجة بتقع.
ثاني حالة : لو
مش محتاج العربية ضروري
او معاك عربية ماشية ومقضية الغرض،
والتبديل لمجرد 'المنظرة' أو التجديد، في الحالة دي استنى
الربع الأخير من السنة، لأن العروض
والخصومات بتكتر."
نصيحة
من قلب السوق او (الخلاصة) زى مابنقول
نصيحتي
ليك.. العربية في مصر مبقتش رفاهية، دي مخزن قيمة. يعني لو لقيت حاجة
'لقطة' في المستعمل، أو سعر عادل في الجديد، اتوكل على الله.
مفيش
حد استنى في مصر وكسب .. والرهان على نزول الأسعار بنسبة كبيرة دايما بيفشل،
أقصى
حاجة بتحصل هي 'ثبات' أو 'نزول طفيف' لا يذكر وخاصة في ظل الظروف الحالية والحروب
اللي حوالينا وصعوبة الاستيراد والشحن .. اكيد الأسعار هتزيد مش هتقل
هديلك روشتة
الشراء: ل 3 عربيات حاليا في
مصر بيعتبروا مخزن للقيمة
ولو قررت تشتري دلوقتي، لازم تختار
عربية 'سوقها حامي' عشان فلوسك متخسرش.
خليني أرشحلك 3 وحوش في السوق المصري:
شيري أريزو 5 (Chery Arrizo 5): 'الجوكر الجديد'. العربية دي سحبت البساط من منافسين
قدام جداً.
ليه؟ ... لأنها بتقدم تصميم حديث، كماليات محترمة، وسعرها لسه في
المتناول مقارنة بغيرها.
والأهم؟ ... قطع غيارها 'عند البقال' وإعادة بيعها زي الطلقة.
بالنسبة لسعرها موديل 2026
المانيوال
البايز لاين فرش جلد سعرها الرسمي 655 الف والسعر في المعارض 655 الف بدون اوفر
برايس
الاوتوماتيك
البايزلاين فرش جلد سعرها الرسمي بيكون 705 الف وفي المعارض هتلاقيها ب 725 الف
الاوتوماتيك
الهاى لاين فرش جلد سعرها الرسمي 735 الف والسعر في المعارض من 755 الف الى 770
الف
تويوتا كورولا (Toyota Corolla): 'الملكة'. لو معاك سيولة وعاوز 'تنام وتطمن' على فلوسك، الكورولا هي
الاختيار المناسب.
إسم لا
يستهان به , شكل حديث, تكييف
تلاجة، اعتمادية جبارة، وسعرها في المستعمل أحياناً بيبقى أغلى من الزيرو!
نازلة ب 5 فئات بالنسبة لسعرها موديل 2026
الاوتوماتيك
اكتيف سعرها الرسمي 1,150,000 وسعرها في المعارض 1,190,000
اوتوماتيك
كومفورت سعرها الرسمي 1,250,000 وسعرها في المعارض هو هو بدون اوفر برايس
اوتوماتيك
سمارت سعرها واحد 1,350,000 بدون اوفر برايس
اوتوماتيك
سمارت فتحة سقف سعرها موحد 1,450,000 بدون اوفر برايس
اوتوماتيك
اليجانس اعلى فئة 1,500,000 بدون اوفر برايس
إم جي 5 (MG 5): 'بطلة الرفاهية'.
لو يهمك الشياكة والشاشات والأوبشنز بفلوس معقولة، الـ
MG 5 هي اللي كسبت ثقة المصريين السنين
اللي فاتت وبقت مالية الشوارع."
ودي نازلة بفئتين موديل 2026 ومن غير اوفر برايس
الاوتوماتيك
ستاندرد سعرها 800 الف جنية
اوتوماتيك
لاكشري سعرها 900 الف جنية
في النهاية عايزك تقوللى في التعليقات، أنت من مدرسة 'اشتري
النهاردة وبكرة يحلها ربنا'
ولا
مدرسة 'الصبر طيب والأسعار هتنزل'؟
ولو
محتار بين عربيتين، اكتبلي أساميهم وهرد عليك بنفسي.
.. متنساش اللايك والشير عشان الكل يستفيد..
اشوفكم على خير ... سلام!
إيهاب بكر، ehab bakr، أسعار السيارات في مصر 2026، سوق السيارات المصري، شيري أريزو 5 2026، اشتري عربية دلوقتي ولا استنى، أرخص سيارة في مصر، أسعار سيارات شيري، الأوفر برايس في مصر، نصائح شراء سيارة مستعملة، تقسيط السيارات في مصر، زيادة أسعار السيارات، تويوتا كورولا 2026، إم جي 5 2026، أفضل سيارة اعتمادية في مصر.
#إيهاب_بكر #ehab_bakr #سوق_السيارات_المصري #أسعار_السيارات #شيري_أريزو_5 #عربيات_مصر #شراء_سيارة #مصر2026 #CheryArrizo5