تعتبر كيا بيكانتو واحدة
من أنجح العربيات في فئة "الهاتشباك، لأنها بتجمع بين التصميم الجميل،
الاعتمادية، والاقتصادية. وفي الفيديو ده هقولك كل حاجة عن العربية تابعني للآخر
ولو استفدت من الفيديو اعمل لايك واشترك في القناة علشان يجيلك كل الجديد
المواصفات الفنية
للبيكانتو
بتنزل بمحرك 1200 سي سي، 4 سلندر،
بيطلع قدرة 84 حصان.
المحرك ده ميزته إنه "هادي وصوته
ناعم" والعزم محترم
جدا مقارنة بوزن العربية وبيوصل 122 نيوتن متر، الموتور ده متصل بناقل حركة
أوتوماتيك متطور بـ 4 سرعات، بيقدم نقلات سلسة.
السرعة القصوى 170 كم/ساعة، ونظام الجر أمامي.
الأبعاد: طول 3.59 متر، عرض 1.59 متر، ارتفاع 1.49 متر، وسعة الشنطة الخلفية 255 لتر.
بالنسبة للتصميم: البيكانتو تصميمها عصري، ونازلة بجنوط 13-14 بوصة حسب الفئة، فيها شاشة تاتش مقاس 8 بوصة فيها اندرويد اوتو
وابل كار بلاى،
بالنسبة للأمان: العربية فيها وسائد هواء ،
نظام كشف تصادم، نظام فرامل مانع للانغلاق (ABS)، توزيع الإلكتروني للفرامل EBD ودركسيون كهربائي.
اما بقا بالنسبة
لإستهلاك
الوقود: سعة خزان الوقود 35 لتر، ومعدل الاستهلاك ممتاز داخل المدينة لتر البنزين يمشي 12
كم وعلى الطرق السريعة اللتر بيمشي 17 كم.
بالنسبة
للعفشة: نظام التعليق
الأمامي
"MacPherson" والخلفي "Torsion Beam"، متصممين عشان يمتصوا صدمات المطبات الصغيرة
ويدوك راحة معقولة جداً.
المميزات
اللي تخليك تختارها
بيكانتو بتقدم لك حزمة من المزايا
اللي تخلي قيمتها فيها:
التصميم الخارجي الجديد، خصوصاً الفئة
اللي فيها إضاءة LED أمامية وخلفية، بيديها شكل عصري جداً
و"بريستيج" ملحوظ في الشارع.
العربية من جوه مش هتحس انها
صغيرة؛ وقعدتها مريحة, فيها شاشة 8 بوصة بتدعم "أبل كار بلاي" و"أندرويد أوتو"،.
العربية دي موفرة جدا ومتوسط استهلاكها 6 لتر لكل
100 كم، يعني هتمون وتنسى مكان البنزينة.
كيا مهتمة جداً بالأمان، فبتلاقي فيها
فرامل ABS ، ونظام التوزيع الإلكتروني EBD،
ووسائد هوائية، وتحكم في الطارة وحساسات ركن خلفية مع
كاميرا.
الخامات الداخلية محترمة جداً بالنسبة
لفئتها، والتقفيل الكوري معروف بالمتانة والعمر الطويل.
تكييف بيكانتو قوي وسريع في
التبريد، وده شيئ أساسي ومهم جداً في جو مصر.
الخلاصة:
كيا بيكانتو هي الاختيار
"الوقور" والعملي جداً للسيدات، أو للشباب في مقتبل حياتهم، أو كسيارة
ثانية للعيلة للمشاوير اليومية السريعة. عربية بتجمع بين "الاعتمادية"
و"سهولة الصيانة" و"الشكل الحديث".
بسبب حجمها الصغير وعجلة القيادة الخفيفة،
فالعربية دي مثالية للمبتدئين وللسواقة في الشوارع الضيقة.
تكاليف التشغيل منخفضة جداً، سواء في
استهلاك بنزين أو صيانة دورية.
التصميم الجديد
(Facelift) عصري جداً وشبه عربيات كيا الفاخرة،
بالنسبة للإعتمادية
وسعر إعادة البيع: البيكانتو معروفة
بقلة أعطالها ، وبتحتفظ بقيمتها عند البيع كسيارة مستعملة.
رغم ان حجم العربية صغير، إلا أن مساحة الصندوق الخلفي 255
لترودي مساحة تعتبر
جيدة جداً مقارنة بالمنافسين في فئتها.
الشاسيه الجديد بقى أقوى وأكثر صلابة،
وده خلى العربية أرسى على الأرض ومستواها في الأمان زاد بشكل ملحوظ.
كيا اشتغلت في الجيل ده على تحسين عزل
الصوت الأرضي وصوت المحرك، عشان تديك تجربة قيادة هادية
التصميم الداخلي استغل كل سنتيمتر
عشان يدي راحة أكبر للأرجل ومساحة تخزين أحسن في الشنطة ومساحات تخزين داخلية كتيرة.
الكيا
بيكانتو من أسهل العربيات اللي ممكن أي حد
يسوقها، رؤيتها واضحة جداً وأبعادها سهلة الحفظ.
يعني من الآخر
لو بتدور على "عربية عملية، اعتمادية، ومصاريف
تشغيلها بسيطة" وميزانيتك
محدودة، الجيل القديم اختيار ممتاز ومش هيخذلك أبداً.
ولو بتدور على "الرفاهية، التكنولوجيا، والشكل العصري
"، يبقى الجيل الجديد هو اللي هيشرفك ويحسسك
بمتعة القيادة
اشوفكم على
خير
سلام