ارخص واسوأ 10 سيارات زيرو فى السوق المصرى الجزء (2) لانوس – شيرى – بى واى دى بلاش تشترى احسن

اصدقائى الاعزاء السلام عليكم ورحمة الله وبركاتة

استكمالا لسلسلة موضوعات ارخص 10 سيارات فى مصر

الجزء الثانى

الموضوع ده مهم جدا لكل واحد عاوز يشترى عربية زيرو وبيدور على ارخص سعر واحسن مواصفات وامكانيات
ولما يفكر يبيع مايخسرش كتير
الموضوع علشان طويل لانى بشرح مواصفات وامكانيات ومميزات وعيوب كل نوع اضطريت انى اقسمه على اجزاء وفى اخر جزء نصائح مهمة جدا
نهاية شرح كل سيارة هتلاقينى بقول تقييمى وده ياحضرات رأى شخصى متواضع مبنى على خبرتى بامكانيات واسعار السيارات المستعملة والجديدة

نبدأ على بركة الله
كشفت عدد من الشركات ووكلاء العلامات التجارية خلال شهر يوليو الماضى عن تعديلات بالقوائم السعرية لبعض السيارات “الزيرو” موديل 2019 المتاحة في السوق المصري.

وبالرغم من موجة التخفيضات المستمرة التي يشهدها السوق المحلي منذ مطلع يناير الماضي، إلا أن هناك بعض السيارات لا تزال تحتفظ بلقب الأرخص في مصر.

وتنتمي السيارات الأرخص سعرًا لعلامات تجارية يابانية وروسية وأمريكية وصينية، وتبدأ أسعارها من 133,000 جنيه ولا تتجاوز 300,000 جنيه.

ثالث ارخص سيارة زيرو فى مصر
هى الشيفرولية لانوس
ودى مش هنتكلم عنها كتير لانها ماتستاهلش وخسارة فيها الكلام
دي عربية ماتغيرتش من 20 سنة
عاملة زى ال 128 لما حبوا يطوروها غيروا اسمها وبقت نوفا وفضلت بنفس الشكل
نفس الكلام الدايو لانوس لما حبوا يطوروها غيروا الاسم وبقت شيفرولية لانوس

انما حتى الشكل زى ماهو الامكانيات هى هى
الزمن بيعدى والدنيا بتطور واللانوس ثابتة على مبدأها
فى كل حاجة ماعدا السعر طبعا هو اللى بيغلى
وانا بعتقد ان شرائك سيارة ب170 الف جدتها و امها و اختها الكبيرة نفس الشكل والامكانيات وسعرهم من 50 الى70 الف دى مهزلة تاريخية
يعنى هركب العربية الزيرو والناس هتفتكرها موديل قديم ,,, طيب ماشترى الموديل القديم ارخص واوفر 100 الف واخلى الفلوس لحاجة اهم
تنتمي شيفرولية لانوس إلى فئة السيارات السيدان صغيرة الحجم الاقتصادية، وهي مزودة بمحرك سعة 1.5 لتر بقوة 86 حصانًا، يرتبط بناقل حركة يدوي من 5 سرعات.

وتبدأ أسعار لانوس موديل 2019 في السوق المصري بـ 166.400 ألف جنيه للفئة القياسية، والفئة الثانية 171.600 ألف جنيه.
ورايي الشخصى المتواضع فى العربية دى انا قلته ولا انصح بشراء سيارة زيرو موديل 1990

رابع ارخص سيارة
شيري إنفي
تستمد السيارة الصينية قوتها من محرك سعة 1500 سي سي وبقوة 109 حصان  وسرعة قصوى تصل إلى 175 كم/س،

يبلغ العزم الاقصى للسيارة 140 نيوتن متر عند 4500 لفة  فى الدقيقة
16 صباب 4 سلندر جير بوكس مانيوال 5 سرعات سعة خزان الوقود 50 لتر
يبلغ ارتفاع السيارة عن الارض 12,4 سم   سعة الشنطة الخلفية 485 لتر
السعر الرسمي للسيارة الصينية التي تأتي بفئة واحدة من التجهيزات 175.000 ألف جنيه.

عيوب السيارة
اشتكى عدد من مستخدمى السيارة
من ضعف الفرامل , ويعد هذا العيب من ابرز العيوب
ارتفاع حرارة السيارة وسخونتها خاصة بعد مشوار طويل وبتحس بالموضوع ده اكثر مع تشغيل التكييف
وجود رعشة فى عجلة القيادة بعد 100 كم/س
تشغيل التكييف يؤثر سلبا على الموتور واداءه رغم اننا بنتكلم عن موتور 1500 سي سي
شيرى انفى ليست من السيارات التى تتمتع بمستوى عالى من العزل ,
وده يخليك تسمع بوضوح صوت الموتور العالى اللى اشتكى منه
معظم مستخدمى السيارة

عدم توافر قطع غيار السيارة بسهولة
صوت المرش خشن
العفشه ناشفة وبتحس بكل تفاصيل الطريق
اعادة البيع طبعا سيئة لانها صينى ولانها شيرى يعنى هتبيعها هتخسر
ولا انصح بشراء هذه السيارة بالمبلغ ده لانها لاتستحق اكثر من نصه

خامس ارخص سيارة
بي واي دي F3
وتتوفر بي واي دي F3 المجمعة محليًا بمصانع الأمل للسيارات،
بفئة واحدة من التجهيزات وتعمل بمحرك سعة 1500 سي سي
بقوة 108 حصان وسرعة قصوى 180 كم/س،
وناقل حركة يدوي من 5 سرعات.

نظام الفرامل في السيارة ABS وفيها توزيع اليكتروني للفرامل EBD جنوط مقاس 15 رياضي ،
ويتوفر بها وسائد هوائية للسائق و الراكب الأمامي
و نظام التنبيه ضد السرقة ، و نظام يموبليزر ضد السرقة ،
و قفل مركزي للأبواب ، و يتوفر حزام أمان لكل المقاعد الأمامية و الخلفية.
وتقدم السيارة المجمعة محليًا في فئة واحدة من التجهيزات بسعر رسمي 177.000 ألف جنيه.

عيوب هذه السيارة
السيارة تم تصنيعها بخامات سيئة للغاية
ويوجد عيوب فى التقفيل ايضا فيجب عند شراء السيارة فحص عيوب التقفيل جيدا لانها احيانا تكون ظاهره بشكل كبير
عدم توافر وسائد هوائية للركاب فى المقعد الخلفى
بعد اجتياز سرعة الـ120كم  يقل الثبات تدريجيا لان وزن السيارة خفيف وهي مرتفعة عن سطح الأرض

مشاكل الموتور والفتيس كتير جدا
رأيي الشخصى ان السيارة بإمكانياتها متوسطة ولكن لا تستحق هذا السعر
واعتقد ان السعر المناسب لامكانياتها هو 100 الف جنية على اقصى تقدير
علشان كده لا انصح بشرائها بالسعر ده