ارخص واسوأ 10 سيارات زيرو فى السوق المصرى الجزء (1) سوزوكى التو – لادا جرانتا بلاش تشترى احسن
استكمالا لسلسلة فيديوهات ارخص 10 سيارات فى مصر
نبدأ بالتكتك سوزوكى التو والكارو لادا جرانتا
الموضوع ده مهم جدا لكل واحد عاوز يشترى عربية زيرو وبيدور على ارخص سعر واحسن مواصفات وامكانيات
ولما يفكر يبيع مايخسرش كتير
الموضوع علشان طويل لانى بشرح مواصفات وامكانيات ومميزات وعيوب كل نوع اضطريت انى اقسمه على اجزاء وفى اخر فيديو نصائح مهمة جدا
نهاية شرح كل سيارة هتلاقينى بقول تقييمى وده ياحضرات رأى شخصى متواضع مبنى على خبرتى بامكانيات واسعار السيارات المستعملة والجديدة
لو حسيت انك استفدت من الفيديو ماتنساش تدوس لايك وشير وتشترك فى القناة علشان يجيلك كل الجديد فى عالم السيارات
نبدأ على بركة الله
كشفت عدد من الشركات ووكلاء العلامات التجارية خلال شهر يوليو الماضى عن تعديلات بالقوائم السعرية لبعض السيارات “الزيرو” موديل 2019 المتاحة في السوق المصري.
وبالرغم من موجة التخفيضات المستمرة التي يشهدها السوق المحلي منذ مطلع يناير الماضي، إلا أن هناك بعض السيارات لا تزال تحتفظ بلقب الأرخص في مصر.
وتنتمي السيارات الأرخص سعرًا لعلامات تجارية يابانية وروسية وأمريكية وصينية، وتبدأ أسعارها من 133,000 جنيه ولا تتجاوز 300,000 جنيه.
اول وارخص سيارة معانا سوزوكى التو
تأتي سوزوكي ألتو اليابانية بمحرك مكون من 3 أسطوانات سعة 800 سي سي بقوة 47 حصانًا وناقل حركة يدوي من 5 سرعات، وتستهلك في المتوسط 3.0 لتر لكل 100 كيلومتر. نظريا طبعا
انما عمليا من روايات المستخدمين اللتر الواحد بيعمل من 15 الى 20 كم يعنى ال3 لتر يمشوك من 50 الى 60 كم
وتفتقر ألتو لأدني وسائل الأمان ومساعدة السائق، وتأتي دون وسائد هوائية، وغير مجهزة بأي نظام لمساعدة الفرامل.
وتأتى سوزوكي ألتو اليابانية طراز 2019 بفئة واحدة من التجهيزات (ستاندرد) بسعر رسمي يبلغ 133.900 ألف جنيه.
بالنسبة لمواصفات علبة الحلاوة اللى بنتكلم عليها
تعد سوزوكي ألتو من السيارات الصغيرة للغاية من كل النواحي سواء من ناحية الامكانيات او من ناحية الحجم ، و تميزت الشركة اليابانية سوذوكي في إصدار العديد من تلك السيارات حيث سبق لها إصدار سيارة ماروتي التي تشبهها إلي حد كبير
والآن أصدرت ألتو التي تناسب الكثير من الفئات المختلفة في الحالة الاجتماعية و المالية في كل الأسواق.
بها أماكن مخصصة للتخزين في الأبواب الأمامية فقط ومساحة الشنطة الخلفية صغيرة جدا بالإضافة إلي إمكانية طي المقاعد الخلفية للسيارة. يدويا
تحتوي السيارة على خزان وقود يسع لتخزين 35 لتر و هو يتناسب مع معدل إستهلاك السيارة للوقود.
تمتلك السيارة محرك لا تتخطى قوته 47 حصان عند ستة آلاف لفة في الدقيقة وهو معدل لفات يتناسب مع قدرة المحرك و سعته التي لا تتعدى 796 cc بعدد خمسة نقلات يدوية للحركة.
بالنسبة لمميزات السيارة
انا شايف ان الميزة الوحيدة انها فيها موتور وبتمشى وموفرة فى استهلاك البنزين
3 لتر لكل 60 كم دى حاجة جميلة
بالنسبة للعيوب
أقصى سرعة تستطيع أن تبلغها السيارة هي 130 كيلو متر في الساعة وده نظريا
يعنى فعليا بقدرة المحرك الضعيفة دى عمرك ماهتقفل العداد وآخرك 100 كم حتى لو دوست على البنزين لحد مارجلك تطلع من الفانوس
السيارة تفتقر لأدنى مستويات الإتزان على السرعات بعد 80 كم
لا تحتوي السيارة على اى وسائد هوائية مخصصة للجزء الأمامي و قائد المركبة أو للجزء الخلفي و باقي ركابها ، و تفتقر أيضا إلي إمكانية التحكم في الكراسي الامامية كهربائيا أو طي الكراسي الخلفية اتوماتيكيا والزجاج في السيارة يتم رفعه يدويا
غير مزودة بخاصية التوزيع الالكتروني للفرامل ايه بى دى أو فرامل آي بي إس ولا تحتوي على خاصية التنبيه الصوتي ضد السرقة.
بها جنوط صغيرة غير رياضية مقاسها 13 انش ودى طبعا بتخليك تحس بأى نقرة صغيرة او حصوة تيجى تحت الكاوتش نفس اللى كان بيحصل مع الماروتى وطبعا فى شوارعنا اللى مليانه نقر هتحس انك قاعد جوا غسالة
ولو في الارض فتحات او نقر جامدة او خدت مطب جامد اللي قاعد ورا هيزعل اوي واحتمال يقطع علاقته بيك
المرايات الجانبية للسيارة يتم التحكم فيها و طيها بشكل يدوي غير آلي و لا تحتوي على إشارات جانبية كهربائية.
خامات التابلوه و الابواب واحدة و تحس انها بلاستيك رخيص
الصاج ضعيف جدا و كله كوم و الاكصدامات الفيبر دى كوم تانى
تحس انها معمولة فى مصنع بلاستيك تحت السلم
صوت المحرك بيزيد مع زيادة سرعتك وده لانه 800 سي سي
لو ركب 4 فى العربية السحب بيقل جدا والعربية بتحك فى جميع المطبات الحكومية والخاصة
قطع الغيار قليلة شوية والي حدا ما سعرها غالي على اعتبار انها سوزوكى ويابانى وكده
مفيش عداد ار بي ام
المستخدمين اشتكوا من وجود عضه خفيفة فى الفتيس وطبعا الموديل لسه جديد ولسه ماظهرتش المشاكل
بالنسبة لرأيي الشخصى فى السيارة سوزوكى التو موديل 2019
انا شايف انك توفر فلوسك وماتشتريش حاجة بالمنظر ده وبسعر 133.900 جنية لانى مادفعش فيها اكثر من 60 الف جنية ولو كانت موديل 3030
ثانى ارخص سيارة لاادا جرانتا
تتوفر “لادا جرانتا” بفئة واحدة من التجهيزات وتعمل بمحرك سعة 1600 سي سي بقوة 88 حصان وسرعة قصوى 172 كم/س، وناقل حركة يدوي من 5 سرعات.
ويبلغ السعر الرسمي لـ “لادا جرانتا” موديل 2019 (147.000 ألف جنيه) وهي بتحتل المركز الثاني بقائمة أرخص السيارات في مصر
تأتي السيارة جرانتا بجنط مقاس 14 بوصة . وهى مزودة بإشارات على المرايا الجانبية للسيارة
بداخل السيارة اماكن للتخزين فى الأبواب الأمامية،
مفتاح السيارة مزود بشريحة مانعة للسرقة أو ما يسمى بخاصية الايموبلايزر
تكييف السيارة لجميع الفئات ممتاز ويعمل بكفاءة وقوة وهو من أكثر
مميزات هذه السيارة
ارتفاع السيارة يميزها عن مثيلاتها في السوق المصري فهى تتميز بارتفاع عالي مناسب للطرق المصرية والمطبات
ثابتة على الطرق السريعة وفي مواجهة تحديات الطرق الغير ممهدة فهى تصلح للخدمة الشاقة
هيكل السيارة الخارجي “الصاج” يتميز في الفئة الروسي عن المصري بالقوة والمتانة والصلابة وهذه الميزة موجودة منذ القدم في السيارة لادا الروسية بجميع فئاتها. بالنسبة للروسى موديلاتها حتى 2017 ومن بعد 2017 للاسف بتتجمع فى مصر بخامات رخيصة وتقفيل سئ
شنطة السيارة الخلفية تعتبر الأوسع على الاطلاق مقارنة مع حجم السيارة فهى تعد أكبر من شنطة المرسيدس الزلموكة حيث تبلغ سعة الشنطة الخلفية 480 لتر
يمكن طي ظهر الكنبة الخلفية لتوسيع مساحة الشنطة
مرايات السيارة الجانبية كبيرة الحجم وهو ما يساعد في وضوح الرؤية
شنطة السيارة يمكن فتحها كهربائياً بواسطة زر أسفل التابلوه .
استهلاك السيارة للبنزين معتدل
