سيارات المستقبل وتطبيق نظرية القيادة الآلية شركات عالمية تحقق الحلم
السيارات ذاتية الحركة او سيارات المستقبل
لو كنت متابع جيد لأخبار السيارات وتكنولوجيا وتطور انظمة القيادة الآليه خلال ال 5 سنوات الماضية اللى بدأت بموضوع الركن الذكى للسيارة واللى تحول من خيال الى واقع موجود فى عربيات كتير جدا تباع فى الاسواق وفى مصر ايضا
ملايين الدولارات صرفتها اكبر شركات انتاج السيارات فى العالم على الابحاث لتطوير انظمة ورادارات التتبع المستخدمة فى الصواريخ والطائرات الحربية علشان تشتغل على السيارات واخيرا نجحوا فى اختراع سيارات ذاتية القيادة يعنى بدون سائق
التكنولوجيا دى بتقلل الحوادث لأقل ما يمكن ووصلت الى مستوى عالى جدا من الدقة فى التحكم بالسيارة وتفادى الحوادث
هنشوف فى الفيديو التكنولوجيا دى وصلت لفين و انواع السيارات ذاتية القيادة وتجاربها العملية
اولا لازم نعرف طريقة عمل السيارات ذاتية القيادة
سواء سيارات ركوب فردى او مينى فان او سيارات بيك اب او اوتوبيسات التكنولوجيا دى اتطبقت على كل انواع المركبات المتحركة
التكنولوجيا دى هى دمج لحساسات ومستشعرات حركة وضوء ورادار وتصوير وتتبع واهتزاز وتوازن و 64 شعاع ليزر مع معلومات الجى بى اس مع برنامج يقدر يتعامل مع كل المعلومات اللى بتقدمها المستشعرات ومعالج بيانات قوى بيترجم كل المعلومات عن طريق عمليات حسابية معقدة الى اوامر لمحركات بتتحكم فى السرعة والفرامل وعجلة القيادة
وفى البرنامج مجموعة كبيرة من السيناريوهات اللى بتتعامل مع مفاجئات الطريق
كل المطلوب من الراكب انه يظبط الوجهة بتاعته على البرنامج عن طريق الجي بي اس ويدى الامر بالقيادة الآلية وشكرا
البرنامج يقدر يعرف الفرق مابين شخص ماشى او عجلة او موتوسيكل او عربية وكل نوع ليه طريقة تعامل مختلفة
الابحاث اللى اتكلفت ملايين الدولارات وصلت انها تتعامل مع سيناريوهات للمطر او لتساقط ثلوج او لاخطاء بشرية من سائقين فى سيارات على نفس الطريق
وصلت انها تتفادى حوادث لايمكن تفاديها بدون قيادة آليه لان العنصر البشرى فى حالة الخطر بيتصرف تصرفات غير مفهومة زى مثلا انه يضغط على الفرامل للاخر ويلف الدركسيون او انه يكتفى بالصمت ومن الصدمة مايعملش اى حاجة او انه يغطى وشه ويصوت
الابحاث عالجت مشكلة ان نظام من الانظمة ممكن مايشتغلش او يحصل عطل فى محرك بيتحكم فى الفرامل او عجلة القيادة وده عن طريق وجود اكثر من محرك لكل جزء بخط منفصل بدايرة تحكم منفصلة ببرنامج منفصل
يعنى النظام اللى يفشل او يهنج او يعطل يخش مكانة النظام التانى او الثالث يلحقه
نظام القيادة الآلية بيتم بترتيب محدد وهو
اولا: الرادار بيحدد الاجسام المتحركة والثابتة حول السيارة ومسافة وسرعة كل جسم
ثانيا : الكاميرات بتصور كل حاجة حول السيارة حتى اليفط على الطريق بتقراها وتتعرف عليها وبتتبع كل الاجسام اللى اكتشفها الرادار بنظام يشبة نظام تتبع الوجة فى كاميرات الهواتف الذكية بس طبعا اكثر تعقيدا ودقة
ثالثا : مستشعرات الموجات الصوتية بتصدر موجات تصطدم بالاجسام المحيطة بالسيارة واللى حددها الرادار والكاميرات علشان تتأكد منها والطريقة دى بنلاقيها فى الكائنات اللى بتعيش فى الظلام زى الخفافيش والحيتان والتقنية دى قديمة جدا واستخدمت عسكريا زمان فى الغواصات
رابعا : كمبيوتر يجمع كل البيانات دى ويعالجها عن طريق برنامج متطور جدا ويبدأ يتحكم فى التسارع والفرامل والتوجية
التجارب العملية على مدى 5 سنوات اثبتت صلاحية نظام القيادة الآلية وتفوقه وتفادى حوادث الطرق بنسبة 90%
السؤال هنا هل خلال ال 5 سنين اللى جاية زى ماوعدت الشركات المصنعة هنلاقى سيارات ماشية لوحدها فى الشوارع
وزى مابيقولو تاكسى اوبر هيبقا بدون سائق
القيادة الآلية ممكن تنقذ اللى بينام اثناء القيادة واللى بيسوق وهو شارب واللى بيعرض نفسه وغيره للخطر علشان مبيعرفش يسوق
النظام ده هينقذ مليون شخص بيموتوا سنويا من حوادث الطرق علشان يموتوا بطرق تانية
لكن حدث فى احدى تجارب القيادة الآلية ان سيارة تابعة لشركة اوبر خبطت مراهق سايق عجلة وتسببت فى موته سنة 2018
وكان السبب اللى خلا الشركات تبذل جهد وتمويل اكبر لمنع تكرار النوع ده من الحوادث
وده كان من اهم اسباب تدخل شركة مايكروسوفت وشركة ام اى تى لتعديل برنامج القيادة الآلية وتزويده بنظام الذكاء الصناعى وده اللى بيخلى البرنامج اثناء التجارب يتعلم من اخطاءة
توفر النوع ده من السيارات لن يحدث الا بعد التأكد من ملائمته لجميع انواع الطرق والمناخ
وحاليا سيارات القيادة الآليه من جميع الشركات بتلف فى المدن الاوروبية ليل ونهار لتجربتها وتعليمها
من اهم هذه الشركات واولها شركة جوجلز وايمو اللى مشيت حتى الان بنظام القيادة الالى 10 مليون ميل على جميع انواع الطرق الحقيقية واكثر من 7 مليار ميل على اجهزة محاكاة سيميوليشنز واتكلفت التجارب دى 175 مليار دولار
شركة جنيرال موتورز كانت تانى شركة تعمل على هذه التقنية لدرجة انها بدأت فى انتاج سيارات بدون عجلة قيادة دركسيون علشان تثبت ثقتها فى سياراتها
وبدأت فعلا عمل تطبيقات على الهاتف للتحكم فى السيارة
وتعتبر شركة جنرال موتورز اقل فى السعر 40% من جوجل
شركة اوبر كانت الثالثة فى نظام القيادة الآلية بس كان حظها وحش وحصلت لسيارة من سياراتها حادث فى ولاية اريزونا لكن بعدها بدأت مره تانية تستكمل تجارب القيادة الآلية فى الشوارع بالاتحاد مع شركة تويوتا
شركة كروجر لتوصيل الطلبات كانت الرابعة فى اعتماد تقنية القيادة الآلية بالاتحاد مع شركة ناورا لتصنيع السيارات الصغيرة والشركة شغلت توصيل الطلبات فى نفس اليوم بمبلغ 5.95 $ وشغالة 7 ايام فى الاسبوع ووصلت 1000 اوردر خلال شهر اغسطس 2019 بسياراتها بدون سائق
الخامسة كانت شركة ماربل اند ستارشيب لكن سياراتها كانت صغيرة جدا وبتمشى على الرصيف لكن بتعتمد على نفس التكنولوجي وسرعة سياراتها بتوصل 25 ميل فى الساعة
