ارخص واسوأ 10 سيارات زيرو فى السوق المصرى الجزء (4) هيونداى فيرنا – فيات تيبو بلاش تشترى احسن

13 سبتمبر، 2019 matrex2018

اصدقائى الاعزاء السلام عليكم ورحمة الله وبركاتة

استكمالا لسلسلة موضوعاتنا عن ارخص 10 سيارات فى مصر
موضوع النهاردة مهم جدا لكل واحد عاوز يشترى عربية زيرو وبيدور على ارخص سعر واحسن مواصفات وامكانيات
ولما يفكر يبيع مايخسرش كتير
الموضوع علشان طويل لانى بشرح مواصفات وامكانيات ومميزات وعيوب كل نوع اضطريت انى اقسمه على اجزاء وفى اخر جزء نصائح مهمة جدا
نهاية شرح كل سيارة هتلاقينى بقول تقييمى وده ياحضرات رأى شخصى متواضع مبنى على خبرتى بامكانيات واسعار السيارات المستعملة والجديدة
نبدأ على بركة الله
كشفت عدد من الشركات ووكلاء العلامات التجارية خلال شهر يوليو الماضى عن تعديلات بالقوائم السعرية لبعض السيارات “الزيرو” موديل 2019 المتاحة في السوق المصري.

وبالرغم من موجة التخفيضات المستمرة التي يشهدها السوق المحلي منذ مطلع يناير الماضي، إلا أن هناك بعض السيارات لا تزال تحتفظ بلقب الأرخص في مصر.

وتنتمي السيارات الأرخص سعرًا لعلامات تجارية يابانية وروسية وأمريكية وصينية، وتبدأ أسعارها من 133,000 جنيه ولا تتجاوز 300,000 جنيه.

تاسع ارخص سيارة
هيواندي فيرنا
تقدم هيواندي فيرنا بمحرك مكون من 4 أسطوانات سعة 1.5 لتر بقوة 106 حصان عند 5800 لفة بالدقيقة، ونوعين من نواقل الحركة الأول يدوي من 5 سرعات والثاني أوتوماتيك من 4 سرعات.

وتقدم جي بي غبور أوتو وكيل هيونداي الكورية، فيرنا موديل 2019 بأسعار رسمية تبدأ من 192.500 ألف جنيه اللفئة القياسية، و الفئة الثانية 193.500 ألف جنيه، و196.000 ألف جنيه للفئة الثالثة، و197.000 ألف جنيه للفئة الرابعة وبالنسبة لاعلى فئة الأعلى تجهيزًا. 224.900 جنية

العربية دى بكل امانة تعتبر اكبر خدعة فى تاريخ صناعة السيارات فى مصر
اسوأ سيارة ولاتوجد غير فى مصر بمعرفة ومباركة غرفة التجارة
اللى بيتباع عندنا ياحضرات المستشارين دى هيونداى فيرنا موديل 2007 وبتتباع بقالها 12 سنة بنفس الشكل على انها موديل السنة وبأسعارمتضاعفة  كل سنة

فى حين ان السيارة هيونداى فيرنا فى الخارج شكلها ومواصفاتها وامكانياتها مختلفة تماما
وده استعراض سريع لشكل السيارة هيونداى فيرنا المباعة فى مصر والمباعة فى الخارج

عيوب السيارة هيونداي فيرنا اللى هى مش هيونداى ولا فيرنا
وللامانة العلمية هنسميها السيارة هيونداى غبور يعنى زى مثلا لما كارفور يشترى مكرونة ويغلفها ويكتب عليها مكرونة كارفور
صوت الموتور هادئ في الكثير من السيارات، ولكن صوته يظهر بشكل واضح في السيارة غبور لضعف العزل الموجود بالكبوت مقارنه بسيارة هيونداي ماتريكس مثلا التي لن تسمع بها صوت الموتور ، وهي شكوى متكررة بنسبه كبيرة بين مستخدمين هذه السيارة.

استهلاك الموتور مرتفع 10 لتر بنزين يمشوك 100 كيلومتر بدون تكييف وهو رقم أعلى قليلا من المعدلات الطبيعية للسيارات التي تستهلك نفس كمية البنزين ولكن بالتكييف.

اشتكى معظم المستخدمين من وجود خشونة في حركة الفتيس، ولكنها تقل تدريجيا بعد استخدام السيارة مسافة 5000 كيلومتر، ولكنها لا تقل ايضا مع بعض المستخدمين

الفرامل ضعيفة ولا تتناسب مع سعة الموتور 1600 cc ، وعند تخطي السيارة غبور لسرعة 100 كيلومتر/ساعة تقل قوة الفرامل بشكل كبير مما يسبب الكثير من حوادث الطرق السريعة

ثبات السيارة غبور متوسط ، لكن جميع المستخدمين أقروا بأن الثبات يقل بطريقة مخيفة عند الوصول إلى سرعة 120 كيلومتر/ساعة ، والمناورة بالسيارة معقولة حتى تتجاوز سرعة 100 كيلومتر/ساعة، وبالفعل حوادث سيارات غبور على الطرق السريعة كثيرة جدا بسبب مشكلة الثبات

المقاعد صناعة مصرية وليست مريحة نهائيا، وبسبب ضعف الخامة المستخدمة في المقاعد مع الوقت يصبح الجلوس عليها أمرا مستحيلا وغير مريح بالمرة.

المكيف ضعيف بالنسبة لحجم الصالون الداخلي للسيارة وضعيف التأثير بشكل كبير على الكنبة الخلفية كما أنه يأثر على استهلاك البنزين والموتور .

بسبب اقتراب الشكمان من الأرض وكبر حجمه بشكل ملحوظ فعند إصطدام السيارة بأي رصيف أو حواجز الطرق تتحطم سوستة الشوكمان

الإطارات المستخدمة في فئات هيونداى غبور هى نسر مصري أو لاسكا تركي، وهي سيئة جدا وينصح بتغييرها فور شراء السيارة حتى لا تسبب مشاكل أثناء القيادة .

عزل السيارة للصوت سئ جدا وأثار استياء المستخدمين، فلا المقصورة تعزل الضوضاء الخارجية ولا بتعزل صوت الموتور مما يسبب إزعاج شديد لراكبي السيارة .

تعتمد سيارة غبور علي نظام التعليق المنفصل لكل إطار خلفي للسيارة فيما يعرف بإسم ” ماكفريسون ” ، وعفشة السيارة ضعيفة بشكل كبير مما يسبب انخفاض السيارة واقترابها من الأرض وبالتالي كثرة الحك فى المطبات والصدمات أسفل السيارة .

واخيرا رايي الشخصى ان سبب انتشار السيارة هيونداى غبور اللى بيقولوا عليها فى مصر فيرنا
هو سعرها المنخفض فى بداياتها وشغلوها تاكسى لانها رخيصة  وسحبها قوى وبتجمع بسرعة بس لو راجل وقفها 
و بسبب حوادثها الكتير وتضاعف سعرها السنوات الاخيرة ومعرفة الناس ان السيارة المباعة هى سيارة موديل قديم قلت مبيعاتها

يعنى وانت ماشى فى الشارع هتبقا انت الوحيد اللى عارف انها زيرو وكل اللى هيشوفها فاكرها مستعملة
وعموما انا لا انصح بشراء هذه السيارة ولو هقيم الشكل القديم اللى بيتباع دلوقتى هقولكم ماتستاهلش اكثر من 120 الف جنية

آخر سيارة معانا واللى احتلت المركز العاشر
فيات تيبو
تقدم “تيبو” في 5 فئات مختلفة التجهيزات، وزودت الفئة الأولى منها التي تعد الأرخص سعرًا بمحرك سعة 1.4 لتر بقوة 95 حصان مرتبط بناقل حركة يدوي من 6 نقلات.
وتأتي فيات تيبو موديل 2019 بأسعار تبدأ من 215.000 ألف جنيه، و225 ألف جنيه للفئة الثانية، و270,000 ألف جنيه للفئة الثالثة، و285,000ألف جنيه للفئة الرابعة ، و300,000ألف جنيه للفئة الخامسة  الأعلى تجهيزًا.

تمتلك تيبو محرك متوسط القوة تبلغ سعته 1400 CC كما تبلغ قوته حوالي 95 حصان اثناء سرعة دوران تبلغ ستة آلاف لفة في الدقيقة ، كما يبلغ العزم الاقصى له حوالي 127 نيوتن مترعلى سرعة دوران تبلغ 4500 لفة في الدقيقة
يمتلك المحرك عدد أربع اسطوانات و 16 صباب
كما يحتوي على ناقل حركة اتوماتيكي من ست نقلات

تمتاز فيات تيبو بأبعاد مختلفة عن كل الفئات الاخرى التي قامت الشركة الايطالية بإصدارها ، حيث ظهرت بقياس طول يبلغ 4,54 سم متر و يبلغ عرضها الكلي حوالي 1,79 سم متر و إرتفاعها وصل إلي 1,49 سم متر بينما طول قاعدة العجلات يصل إلي 2,64 سم متر.

يبلغ معدل تسارع تيبو حوالي 11.5 ثانية للوصول إلي سرعة مائة كيلو متر
، كما أن السرعة القصوى التي تستطيع تيبو الوصول إليها هي 185 كيلو متر في الساعة.
متوسط إستهلاك تيبو للوقود 5.7 لتر لقطع مسافة مائة كيلو متر و هو من أقل المعدلات في الفئات التي قامت شركة فيات بإطلاقها.

أنظمة الأمان الجيدة تعد من أهم ما يميز السيارات الايطالية بصفة عامة حيث تمتلك تيبو نظام التوقف التلقائي للسيارة في حالة إقترابها من جسم خارجي أو تعرضها للخطر كما أنها مزودة بتقنية الاتزان الالكتروني ESP التي تعمل على حفظ ثبات السيارة على الطريق بالإضافة إلي إمتلاكها لوسادات هوائية مخصصة للمقاعد الامامية بخلاف الوسادات الجانبية.

عيوب فيات تيبو 2019
المصابيح الأمامية و الخلفية للسيارة غير مزودة بتقنية الحساسية ضد الاضاءة و التي يتم من خلالها التغيير في مستوى الإضاءة بشكل تلقائي و آلي دون الحاجة إلي التحكم فيها بطريقة يدوية

غير مزودة بتقنية الركن الذكي و الذاتي للسيارة و ذلك بسبب عدم إمتلاكها حساسات مثبتة على الجسم الخارجي للسيارة

المصابيح الامامية و الخلفية غير مزودة بإضاءات من النوع ليد و لا تمتلك أيضا اضائة زينون

تفتقر لخاصية زر تشغيل و إيقاف المحرك
السيارة عيوبها قليلة ولكن سعرها مبالغ فيه ولو عملنا مقارنة فى السعر بين الفيات تيبو الفئة الاولى معدومة الامكانيات اللى سعرها  215 الف جنية
وبين سيارة مستعملة فى نفس حدود السعر
المبلغ ده هيجيبلك جيتا 2010  او نيسان صنى 2018 كسر زيرو او كيا كارينز 2011 او كيا سيراتو 2011 او هيونداى الينترا 2011
رايي الشخصى ان السيارة فيات تيبو سعرها مبالغ فيه بالنسبة لامكانياتها العادية والسعر العادل لاعلى فئة 170 الف على اقصى تقدير

واخيرا خلاصة الفيديو ان ارخص 10 عربيات زيرو فى مصر لا تساوى نص السعر اللى بتتباع بيه كما انها معدومة الكماليات ولا تستوفى شروط الامان والسلامة وكلها عيوب
بالنسبة للباحثين على السيارات الزيرو
نصيحة انتظروا لحد 2020 هتكون الموديلات الجديدة نزلت ولازم التوكيلات تحرق موديل 2019
اما لو مستعجل ابعد عن الزيرو وبالمبلغ المتوفر معاك اشترى مستعمل حالتة محترمة افضل 1000 مره ووفر فلوسك
الرأي الشخصى المذكور فى اخر كل مواصفات سيارة هو رأي شخصى متواضع مبنى على خبرة نظرية وعملية طويلة مش مقصود منه التقليل من نوع سيارة او توكيل معين ولكن المقصود منه توعية الناس علشان اللى بيشترى عربية بيحط دم قلبه
وفى اغلب الاوقات بيحط تحويشة العمر او بيدفع نص مرتبة قسط عربية  وللاسف التوكيلات لا تهتم بالإنسانيات لكن يهمهم تحقيق التارجت وهو اقصى مكسب بأقل تكاليف
موضوع التقفيل والتجميع المصرى السئ والخامات المستخدمة الرخيصة
دا مش رايي انا بس لكن   ده رأى كل اللى اشترى سيارة متجمعة فى مصر
وقارنها مع سيارة متجمعه فى اوروبا او حتى فى الصين ونفس المشكلة فى التجميع الايرانى زى الكيا برايد والبيجو 405  ودى مش ازمة دولة ولا موضوع سياسى ولكن الموضوع ان فى ازمة ضمير واخلاق وانعدام رقابة وماحدش بيحاسب
والتوكيلات بتحاول تكسب بأى شكل وتستورد ارخص الخامات علشان تحقق اكبر مكسب ومش فارق معاهم طالما الزباين بتشترى ومش بتعمل مشاكل وحتى لو عملوا مشاكل هيكون ايه اخرهم  يعنى هيقعدوا يتكلموا شوية او يقدموا شكوى للتوكيل
للاسف مشكلتنا اننا ماعندناش ثقافة انى لما شركة او توكيل يبيعلى سلعة معيوبه ارفع قضيه واخاطب الشركة الام او حتى ان المتضررين يلموا بعض ويعملوا جروب ويرفعوا قضايا ويطالبوا بتعويضات
هنا فى مصر لو اشترينا حاجة وطلع فيها مشكلة بنستعوض ربنا وممكن ندعى عليهم
واخيرا اتمنى يكون الفيديو مفيد وآسف لو كنت احبطتكم بس دايما الحقيقة صادمة