عوده مره اخرى مع احد سيارات الشركة اليابانية العريقة متسوبيشى
وهنستعرض فى الفيديو ده السيارة ميتسوبيشى اكسباندر موديل 2019
مواصفات وامكانيات وسعر
السيارة ميتسوبيشى اكسباندر موديل 2019
هي سيارة متعددة الاستخدامات مدمجة تتسع لسبع ركاب, تم تقديمها لأول مرة في السوق العالمي عام 2017, وهي اصلا موجهة خصيصا للأسواق الاسيوية.
في مصرنزلت بمحرك امامى بنزين 1500 سى سى من اربع سيليندرات بقوة 103 حصان عند 6000 لفة في الدقيقة وعزم دوران 141 نيوتن.متر عند 4000 لفة في الدقيقة ويعمل المحرك بالحقن المتعدد للوقود مع تحكم الكترونى, ومتصل بناقل حركة اوتوماتيك من اربع سرعات بدفع امامى .
مصممة لمزج التصميم المرتفع لسيارات الدفع الرباعي مع عملية السيارات الفان،
ليها مظهر جريء وبعد نزولها السوق المصرى شكلها سبب ردود فعل قوية جدا لأن بصراحة شكلها غريب شوية تحس انها نازلة من فيلم خيال علمى وهى فعلا شبه المركبات الفضائية شكلا وحجما
السيارة الجديدة من ميتسوبيشى جاءت بتصميم جرىء و عصري يجمع ما بين مواصفات الفان سباعية المقاعد مع خلوص أرضى مرتفع زى سيارات الكروس أوفر.
مقدمة السيارة مستوحاة من نماذج ميتسوبيشى الإختبارية الأخيرة، حيث المصابيح الأفقية المرتفعة و المدمجة مع الشبكة الأمامية و مصابيح الضباب الأمامية.
بالنسبة للمقصورة، هنلاقى عجلة القيادة فيها ثلاثة أذرع، جلد طبيعى وتطعيمات من الخشب وده بيدى فخامة . كما تضم الفان سباعية المقاعد مساحة داخلية واسعة جدا بالإضافة إلى “وفرة” من اماكن التخزين بما في ذلك 16 حاملا للأكواب. مش فاهم ليه ؟ يعنى كان ناقص يحطوا نيش فى العربية
لها شاشة عرض للمعلومات والترفيه مع بلوتوث وإمكانية الاتصال بشبكة الإنترنت.
بدأت مبيعاتها تتصاعد يوم بعد يوم، حيث تتمتع اكسباندر بأبعاد جيدة، فيبلغ طولها 4,47 م وعرضها 1,75 م وارتفاعها 1,70 م،
بالإضافة إلى قاعدة عجلات تبلغ 2,77 م، اما عن الخلوص الأرضي لإكسباندر 20 سنتيمترا واللى بيخليها مناسبة للسير فى الطرق المصرية ومش هتحك فى اى مطبات ً.
395.000 جنية مصرى
370.000
علشان نعرف الفرق فى الامكانيات بين الفئتين الجى ال اكس والجى ال اس لازم ندخل فى التفاصيل
اولا بالنسبة للمحرك والآداء
واخيرا بالنسبة لرأي الشخصى فى السيارة ميتسوبيشى اكسباندر موديل 2019
العربية محترمة جدا ومساحتها الداخلية كبيرة جدا وتسع اسرة مكونة من 7 افراد بشنطهم بكل سهولة وراحة
موتور 1500 سي سي صغير شوية على حجم العربية الضخم بس لو حسبناها هندسيا هنلاقى الصانع اليابانى الذكى عمل صندوق التروس اوتوماتيك من 4 سرعات بس
علشان كل غيار ياخد حقه وبكده العربية هتحرق على الغيار لان الجيربوكس الاوتوماتيك هينقل عند عدد لفات اكبر للموتور وبكده هيجيب العزم والقدرة الاقصى 141 نيوتن متر وال 103 حصان يعنى من الآخر هتسحب بنفس قوة السيارات المرتفعة السى سى لكن مع توفير فى الوقود
والعربية اصلا مش معمولة للسباقات لكن هى عربية عائلية بتشيل اسرة كبيرة
العربية استوفت كل شروط السلامة والامان وفيها كل انظمة مساعدة الفرامل ومساعدة السائق
مليانه كماليات ومصنعة من خامات عالية الجودة
واخيرا اتمنى يكون الموضوع مفيد وتمنياتى لكم بالصحة والسعادة ان شاء الله
