بدء نتائج حملة المقاطعة .. بعد تخفيضات ” رينو ” 25 الف جنية.. انخفاض أسعار “نيسان صني” 25 ألف جنيه

السلام عليكم ورحمة الله وبركاتة

اصدقائى الاعزاء مرحبا بكم من جديد فى فيديو سريع لانه خبر مايستناش

النهاردة 2 ديسمبر 2019

بدأت نتائج حملة المقاطعة كما وعدناكم واللى اخرها ان ناس كتير انضموا ليها متأخر يعنى فى يناير 2019 مع انها بدأت فى 2017

ياما قلنا للناس اتقل تاخد حاجة نضيفة

النهاردة قررت شركة نيسان موتور إيجيبت، تخفيض أسعار جميع فئات السيارة نيسان صني السيدان موديل 2020 المجمعة محليًا، بقيمة 25 ألف جنيه، على أن يسري هذا التخفيض خلال ديسمبر الحالي.

ونخلى بالنا من حاجة انهم هيبيعوا المخزون عندهم من موديلات 2018 و 2019 على انه موديل 2020

ووفقًا لما أعلنته شركة “نيسان”، فقد حصل الطراز الأكثر مبيعًا من نيسان والذي يتم تجميعه محلياً وهو طراز “صني” على تخفيضات وصلت 25,000 جنيه لفئاتها الثلاث التي تقدم في السوق المصري.

وأفادت الشركة، بأن التخفيضات قد طالت نيسان “صني” السيدان العائلية الجديدة بفئاتها الثلاثة، على أن يكون اليوم الأخير للتخفيض في 31 ديسمبر المقبل.

طبعا هيمدوا التخفيض لحد مايخلصوا المخزون من 2018 و 2019 و 2020 علشان يوفروا الإعتمادات المالية لاستيراد موديل 2021 شهر مارس القادم

وتراجعت أسعار الفئة الأولى من نيسان “صني” بواقع 24 ألف جنيه، ليصبح سعرها الرسمي للفئة الأولى 198.900 ألف جنيه فى حين قد سجلت 223 ألف جنيه سابقًا، كما انخفضت الفئة الثانية بنفس القيمة ليصبح سعرها الجديد 209 آلاف جنيه مقارنة بـ234 ألف جنيه.

في حين سجلت الفئة الأعلى تجهيزًا أكبر نسبة من التخفيضات والتي بلغت 25 ألف جنيه؛ لتسجل 220 ألف جنيه بدلًا من 245 ألف جنيه.

وتتوافر نيسان صني في السوق المصري بثلاث فئات مختلفة التجهيز، مع محرك بسعة 1.5 لتر بقوة 108 أحصنة مع ناقل أوتوماتيكي.

يذكر أن الشركة المصرية العالمية للتجارة EIM، وكيل علامة رينو التجارية في مصر، من اسبوع أعلنت تخفيض أسعار عدد من الطرازات المتاحة بالسوق المحلي بنسب تتراوح بين 17.000 وحتى 26.000 جنيه.

وتراجعت أسعار الفئة الأولى من رينو لوجان بواقع 23.000 جنيه؛ ليصبح سعرها الرسمي 165.000، كما انخفضت الفئة الثانية بنفس القيمة ليصبح سعرها الجديد 177.000 بدل من 200.000 جنيه، وتراجعت أيضًا الفئة الثالثة لتفقد 25.000 من سعرها لتتراجع إلى 188.000 جنيه بدل من 213.000 جنيه

ورابع فئة E2 أوتوماتيك بسعر 199 ألف بدلاً من 225 ألف .

ودى نتيجة طبيعية للركود فى سوق السيارات منذ انطلاق حملة المقاطعة 2017 وحتى الآن

الخبر ده مش معناه ان الناس تروح تشترى بالاسعار دى لكن الخبر ده علشان تعرفوا ان الإتحاد قوة وان المقاطعة مش حاجة بسيطة ولا تأثيرها ضعيف زى ماناس كانت فاكرة … لا ابدا بالعكس المقاطعة هى الطريقة الوحيدة لتصحيح الاسعار فى اى منتج وده الاسلوب اللى بتستخدمه الشعوب المتقدمة فى اوروبا

نصيحتى للى عاوز يشترى ومايخسرش اوعى تشترى دلوقتى اتقل تاخد حاجة نضيفة

لسه فى تخفيضات اكبر لحد مارس القادم ومش هيبطلوا تخفيضات طول مانتم مقاطعين الشراء لانهم محتاجين سيولة علشان شراء موديل 2021 ولسة عندهم مخزون كبير من 2018 و 2019 و 2020 وحتى الموزعين امتنعوا عن استلام حصصهم من السيارات منذ شهر اكتوبر الماضى لان العربيات عندهم كتير والبيع متوقف تماما

اشكركم على المتابعة

والسلام عليكم ورحمة الله وبركاتة