السلام عليكم ورحمة الله وبركاتة
مرحبا بكم من جديد فى موضوع عن العربيات الكهربية اللى بجد تقدر تمشى فى الشوارع بسرعات مناسبة ولمسافات محترمة وبشحن معتدل وسعر مناسب
كشفت وزارة الصناعة والتجارة الروسية النقاب عن السيارة الصغيرة Zetta، التي تعد أول سيارة روسية كهربائية.
وتظهر السيارة الكهربائية Zetta بثلاثة أبواب ومقعدين، في حين تعتمد في دفعها على أربعة محركات كهربائية مركبة على صرة العجلات بقوة 18.1 كيلووات لكل محرك.
فضل هذه المحركات تنطلق السيارة Zetta بسرعة قصوى 120 كلم، في حين يبلغ مدى السير 200 كلم بفضل البطارية سعة 10 كيلووات ساعة، والتي يتم شحنها في غضون 4 ساعات فقط متصلة بمصدر تيار 220 فولت.
ومن المقرر أن يبدأ إنتاج السيارة بشكل قياسي في الربع الأول من العام القادم، على أن يتم طرحها بسعر يبدأ من 6400 يورو (113.920 جنيه مصري) تقريبًا لتكون بحسب موقع “The Moscow Times” أرخص سيارة كهربائية في العالم.
السؤال هنا
هل مصر ممكن تستورد السيارة زيتتا ولو استوردناها هتدخل بسعر كام ؟
انا شايف ان ارخص سيارة كهربية فى العالم وكمان روسية الصنع وطبعا كلنا عارفين يعنى ايه روسية الصنع يعنى لادا يعنى حديد وصناعة محترمة وبتعيش وتستحمل
ولو هنقارن بين امكانيات وسعر السيارة زيتتا الروسية وبين السيارة ايموشن اللى اعلنوا عنها من اسبوع مع كامل احترامى للجهة المصنعة للسيارة ايموشن
وهى وزارة الانتاج الحربى لكن التجارة منافسة وليس فيها عواطف او ايموشنز يعنى هنقارن بين العربيتين مقارنة عادلة فى كل حاجة ومعلوماتنا عن السيارة ايموشن جايبينها من الدكتور ميشيل نايت رئيس مجلس إدارة شركة imut، أحد العلماء المصريين في الخارج شريك الإنتاج الحربى فى تصنيع المركبات الكهربائية والمسئول عن السيارة الكهربائية ايموشن وتصريحاته موجودة فى كل المواقع الاخبارية والجرائد
وشرح كل التفاصيل دى يوم الحفل اللى اقامته وزارة الانتاج الحربى بمناسبة اطلاق السيارة الكهربائية ايموشن وكتير من الفنانين ركبوا السيارة زى الفنانة يسرا والفنانة نشوى مصطفى
المهم اننا هنقارن بين مواصفات وامكانيات وسعر وفى الآخر هسيبلكم الرأى النهائى
بالنسبة للسرعة
السيارة زيتتا بتوصل الى 120 كم فى الساعة وايموشن بتوصل ل 45 كم فى الساعة
مدى السير
السيارة زيتتا بتوصل الى 200 كم بشحنة واحده اما السيارة ايموشن فمنها نوعين الاول من 60 الى 100 كم بشحنة واحده والثانى من 120 الى 150 كم بشحنة واحدة ومش فاهم برضه ليه مافيش ارقام ثابتة زى اى عربية يعنى ليه من الى
اى شركة بتنتج عربية بيكون فى ارقام محددة لكل حاجة القدرة الحصانية والعزم والسرعة القصوى يعنى مافيش حاجة اسمها من الى
ما علينا
بالنسبة للسعر
السيارة زيتتا سعرها اتحدد ب 6400 يورو يعنى 114 الف جنية مصرى اما السيارة ايموشن فبرضه مافيش حاجة محددة والراجل قال سعرها من 78 الى 125 الف جنية
بالنسبة لبلد المنشأ والصناعة
السيارة زيتتا روسية الصنع 100% اما السيارة ايموشن فهى صينية الصنع من شركة فوتون الصينية بتجميع مصرى فى مصنع 200 الحربى
بالنسبة للمواصفات
انا من البحيره ابوحمص ترخيص في مانع
ردحذفالصاله عنوانها فين