السلام عليكم ورحمة
الله وبركاته
مقارنة زيادة البنزين
مع خام برنت فى 8 سنين
عنوان كبير مش هتلاقى
المقارنة دى فى اى مكان تانى غير هنا .....
هنتكلم عن زيادة اسعار
المنتجات البترولية وهنشوف مع بعض كل الزيادات اللى تمت خلال ال8 سنين اللى فاتوا
قررت لجنة التسعير
التلقائى للمنتجات البترولية المسئولة عن متابعة وتنفيذ آليات التسعير التلقائى بشكل ربع
سنوى والكلام ده تم فى اجتماعها اللى انعقد بعد نهاية شهر يونيو الماضى اللجنة
طلعت بتوصية بتعديل الأسعار الحالية فى السوق المحلى والكلام ده للربع الثالث
اللى هو من شهر يوليو الى سبتمبر
2021.
وتم تعديل سعر بيع
منتجات البنزين بأنواعها اعتباراً من الساعة التاسعة صباحاً، يوم الجمعة
23 يوليو
6.75
جنيه للتر البنزين 80، و8 جنيهات للتر البنزين 92، و9 جنيهات للتر البنزين 95، وثبت
سعر بيع السولار عند 6.75 جنيه للتر، وثبت سعر بيع المازوت للقطاع الصناعى عند
3.900 جنيه للطن.
واستعرضت اللجنة
متوسطات أسعار خام برنت فى السوق العالمى وسعر صرف الدولار مقابل الجنيه للربع
الثانى من أبريل الى يونيو 2021، والمؤثرين دول بيعتبروا أهم مؤثرين
ومُحددين لتكلفة المنتجات البترولية فى السوق المحلي بخلاف طبعا باقى الأعباء والتكاليف.
وفى توصيات اللجنة وبسبب
الأوضاع الحالية التى يمر بها العالم مثل التذبذب فى الأسعار العالمية لخام برنت
بسبب (كوفيد – 19) وتخفيض الإنتاج.
وكل ده تسبب فى زيادة سعر خام برنت 12 % وثبات فى سعر الصرف
وبتطبيق المعادلة السعرية بحد أقصى 10% قامت
اللجنة بمراجعة التكلفة خلال العام المالى 2020/ 2021 وفى ضوء كل الأسباب اللى
فاتت أوصت اللجنة بزيادة البنزين بأنواعه
25 قرشا للتر، وثبات أسعار السولار لان له تأثير مباشر وغير مباشر على وسائل النقل وأسعار
السلع الغذائية وثبتوا أسعار المازوت المؤثر على الأنشطة الصناعية.
زاد سعر البنزين فى مر بشكل كبير جدا خلال ال8 سنوات الاخيرة بداية من زيادة سنة 2014
زادت اسعار الوقود في يونيو 2014
, 50% على البنزين والسولار، وارتفع سعر لتر بنزين 80 من 90 قرشا إلى 1,60 جنية،
وبنزين 92 رفع سعر اللترمن 1,85 الى ل 2,60 جنية، وزاد سعر بنزين 95 من 5,85 جنية
للتر إلى 6.25 جنيه، والسولار من 1,10 جنية للتر الى 1,80 جنية وكان ايامها الدعم يلتهم 20% من
الموازنة العامة للدولة.
فى 2016 حصلت زيادة فى سعر الوقود
تزامنا مع قرار تعويم الجنيه أمام الدولار وبالتحديد في 4 نوفمبر 2016،
ارتفعت أسعار البنزين والسولار وده تنفيذا لحزمة الإجراءات الاقتصادية التي قررها
البنك المركزي والحكومة وتنفيذا لسياسات صندوق النقد الدولي اللي اشترط الموافقة
على حصول الحكومة على قرض 12 مليار دولار مقابل زيادة أسعار الوقود وتم تنفيذ الكلام ده بالفعل ورفع
سعر بنزين 80 من 1.60 جنيه للتر إلى 2.35 جنيه للتر، بزيادة 75 قرش.
وبنزين 92 من 2.60 جنيه إلى 3.50 جنيهات للتر، بزيادة 90 قرش.
والسولار من 1.80 جنيه إلى 2.35 جنيه للتر، بزيادة 75 قرشا.
وغاز السيارات من 1.10 جنيه إلى 1.60 جنيه للمتر المكعب، بزيادة 50 قرشا
فى 2017 حصلت زيادة فى سعر الوقود
وبالتحديد فى 29 يونيو 2017،
أعلنت الحكومة زيادة أسعار البنزين تنفيذا لخطة رفع الدعم عن الوقود، ورفعوا سعر بنزين
80 الى 3,65 جنيهات للتر بدلا من 2,35
قرشا.
وبنزين 92 رفع الى 5 جنيهات للتر بدلا من 3,50 قرشا.
زاد سعر بنزين 95 من 6.25 جنيهات إلى 6.60 جنيهات.
السولار رفع من 2,35 قرشا إلى 3.65
جنيهات.
وغاز البوتاجاز رفع من 15 جنيها إلى 30
جنيها للأسطوانة.
فى يونيو 2018 حصلت زيادة فى سعر الوقود
زاد سعر بنزين 80 من 3.65 جنيهات إلى 5.50 جنيهات للتر الواحد،
زاد سعر بنزين 92 من 5 جنيهات إلى 6.75 جنيهات.
زاد سعر بنزين 95 من 6.60 جنيهات إلى 7.75 جنيهات.
والسولار رفع سعر اللتر الى 5,50
جنيه بدلا من 3,65 قرش.
وارتفع سعر أسطوانات البوتاجاز المنزلى من 30 جنيها إلى 50 جنيها، وارتفع سعر
الأسطوانة التجاري من 60 جنيها إلى 100 جنيه،
وغاز السيارات من 1.60 جنيه إلى 2.75 جنيه للمتر المكعب
فى سنة 2019 كانت أخر
الزيادات الكبيرة لأسعار البنزين في صيف
2019، وبالتحديد 5 يوليو
رفع البنزين 80 وبقا سعر اللتر 6.25 جنيه
بدلا من 5.50 قرش.
وبنزين 92 بقا سعر اللتر 8 جنيهات بدلا من 6.75 قرش.
وبنزين 95 اصبح سعر اللتر 9 جنيهات بدلا من 7.75 قرش.
والسولار رفع سعر اللتر الى 6.75 جنيه
بدلا من 5.50 قرش.
وأسطوانة البوتاجاز 65 جنيها بدل 50 جنيها للاستخدام المنزلي والتجارى من 100
جنيه إلى 130 جنيها
تمويل السيارات بالغاز رفع الى 3.5 جنيه للمتر المكعب بدلا من 2.75 جنيه.
والمازوت: 4500 جنيه للطن .
وحصلت زيادة فى سعر بنزين 80 بواقع 25 قرش، من 6.25 جنيه إلى 6.5 جنيه. وثبت
سعر بيع السولار عند 6.75 جنيه للتر، وانخفض سعر المازوت للقطاع الصناعي عند 3900
جنيه للطن.
وشهد البنزين خلال العامين الماضيين 2020 و 2021 تراجعا طفيفا في الأسعار مع تراجع
أسعار البترول بفعل جائحة كورونا،
واستمرت الأسعار مستقرة على مدى سنه كاملة بعد أن خُفضت في
أبريل 2020 وأكتوبر 2019.
و خفضت الحكومة أسعار البنزين في 11 أبريل 2020 مع تراجع أسعار البترول
عالمياً، فيما عدا السولار والبوتاجاز
وباقي المواد البترولية فضلت كما هي دون تغيير، وأصبحت الأسعار الجديدة للبنزين
بعد الخفض 6.25 جنيه للتر للبنزين 80 و7.50
جنيه للتر للبنزين 92 و8.50 جنيه للتر للبنزين
95،
وقررت وزارة البترول، يوم الجمعة،23/4/2021 رفع أسعار البنزين بقيمة 25 قرشا
لأنواعه الثلاثة، واصبخ السعر 6.5 جنيه
لبنزين 80، و7.75 جنيه لبنزين 92، و8.75 جنيه لبنزين 95، لحد نهاية يونيو 2021.
والزيادة الحالية فى عيد الثورة
23 يوليو 2021
6.75 جنيه للتر البنزين 80، و8 جنيهات للتر البنزين 92، و9 جنيهات للتر
البنزين 95، وثبت سعر بيع السولار عند 6.75 جنيه للتر
يعنى لما نيجى نحسب إجمالى
الزيادة فى سعر المواد البترولية خلال 7 سنين هنلاقى
بنزين 80 زاد من 90 قرش للتر ووصل الى 6,75 بزيادة 7 اضعاف ونص او بمعنى تانى 750%
بنزين 90 اختفى
بنزين 92 زاد من 1,85 جنية الى 8 جنية
بزيادة اكثر من 4 اضعاف او بمعنى اخر 432 %
بنزين 95 زاد من 5,85 جنية للتر الى
9 جنية بزيادة ضعف ونص او بمعنى اخر 153%
والسولار اللى بيأثر علي كل حاجة اكل وشرب ومواصلات وعماله ومرتبات
وزراعة زاد من 1,10 جنية الى 6,75 جنية
بزيادة اكثر من 6 اضعاف او بالضبط 613 %
غاز السيارات زاد من 1,10 جنية للمتر المكعب ووصل 3,50 جنية بزيادة اكثر
من 3 اضعاف او 318 %
طيب السؤال هنا بما ان الاسعار استقرت فى 2021 والزيادات فى ابريل ويوليو
بسبب ارتفاع سعر خام برنت عالميا هل هنشوف
هبوط فى اسعار الوقود فى مصر لما يهبط سعر خام برنت ولا احنا شغالين مع برنت فى
الطلوع بس
عموما غدا لناظره قريب !!!
وخام برنت اكيد هينزل سعره قريبا
اشوفكم على خير
سلام