مقارنة اسعار السيارات فى مصر والسعودية فعلوا المقاطعة الكاملة والله مانا شارى ارتفاع اسعار العربيات

 

اشترك فى جروب مقاطعة شراء السيارات فى مصر جروب والله مانا شارى رابط الجروب على الفيسبوك

---------------------------------------------------------------------------------------------------------------------- الفيديو رقم 3

فى الفيديوالقصير ده هنقارن مابين اسعار العربيات فى مصر واسعارها فى السعودية كمثال لدوله عربيه فيها نفس النظام المحاسبى والضريبى بتاعنا
فيها ضريبة مبيعات وضريبة القيمه المضافه بنفس النسب
ونفس الخطه الإصلاحيه اللى عندنا هتلاقيها عند اخواتنا فى السعودية لدرجة انك هتلاقى رؤية مصر 2030 ولما تدخل مطار السعودية هتلاقى رؤية السعودية 2030 تحس ان البلدين واخدين نفس التاسك وبينفذوا نفس خطة الإصلاح

الله يوفق البلدين لما يحبه ويرضاه
كنت هقارن بين كل اسعار السيارات فى البلدين لكن للأسف
المشكلة اللى قابلتنى فى المقارنه ان اسماء العربيات اللى بينزلها الوكلاء فى مصر بيغيروا فيها عن اسماء العربيات دى فى بلادها
وده راجع لسبب واحد كلنا عارفينه انك لو حاولت تقارن بنفسك من موقع الشركة الرسمى فى بلدها هتلاقى اسم تانى مختلف
وكل ده علشان ماتعرفش السعر الحقيقى
وده طبعا لاننا عارفين ان اكتر حاجه ممكن تكسب فيها هى اللى تايهه وماحدش يعرف سعرها
تخيلوا مثلا لو وكيل نزل عربية سماها سكودا سيكلانس اعتقد انه لو كان مستوردها ب 100 الف ممكن ينزلها مصر ب مليون و 100 الف
والناس هتقف عليها طوابير
دى نظرية على فكرة فى التجارة وفى ناس شغالين عليها وبيكسبوا كويس قوى
يجيب حاجه مجهولة السعر وماحدش شافها قبل كده وشكلها حلو ويبيعها بالسعر اللى هو عايزه
كان ممكن اجيب العربيات واوفقها بالشكل والصور واقارنها مع بعض لكن الاسماء هتكون مختلفة
وانا متأكد ان كان هيطلعلى ناس تقولى انت بتقارن بين نوعين مختلفين
علشان كده انا فى المقارنة دى جبت العربيات المتفقه فى الإسم وفى اغلب المواصفات والامكانيات
وفى كل عربية لاحظت حاجه غريبة جدا وهى ان حتى لو الإسم واحد والسعر فى مصر ضعف سعر السعودية  لكن برضوا السعودية العربيات فيها نازلة بكماليات اكتر بكتير وانظمة امان كاملة غير عندنا فى مصر خالص
وطبعا ماعندهمش الموضه الجديدة اللى عندنا بتاعة الاوفر برايس