السلام عليكم ورحمة الله وبركاته
فيديو سريع عن
الرينو ميجان 2005 و 2006
من غير مقدمة
ندخل فى الموضوع علطول
الميجان عربية
كلها امكانيات وكماليات هتلاقى فيها اوبشنز مش موجوده فى عربيات موديل 2021
وسريعة وثابته
وواسعه وفيها كل المميزات
محركها 1600 سى سى
16 صباب قدرته 115 حصان عند 5500 لفة فى
الدقيقة
وعزم الدوران 152
نيوتن متر عند 4200 لفة فى الدقيقة
المحرك بيشتغل
بنظام الحقن الالكترونى متعدد النقاط
المالتى بوينتس انجيكشن
والفتيس بتاعها
حكايه من حكايات الزمن
لكن للأسف حاجه من
حاجات كتيرة مالهاش حظ فى مصر
تقريبا العربية دى
جربوا فيها كل الانظمة الحديثه وبعد كده الشركة فلست
الميجان مش من العربيات اللى تتهان.........لو اتهانت ...تزعل وتزعلك وتقف
خالص..........لكن بالمعاملة الحسنة....تمشى معاك كويس جدا
لان عيبها الاساسى ان الحساسات كتيرة جدا ومربوطة بدوران المحرك
انا شخصيا ببعد عن العربيات المستعملة اللى مليانه حساسات وكمبيوتر ويكون
عدا عليها اكثر من 15 سنه
من ناحيه علشان التكنولوجيا كانت قديمة وفيها مشاكل وتطورت بمرور السنين
فهتلاقى فيها اعطال اكثر من الجديد وحساساتها شكلها غريب ومختلف عن الجديد
ومن ناحية تانية كل الحساسات دى وكارت الفتيس والكمبيوتر ماحدش فى مصر
بيعرف يظبطه صح وممكن فى يوم ماتلاقيش حساس من الحساسات الكتيرة دى وساعتها
العربية هتتوقف تماما وده اللى مخلى سعرها اقل من عربيات تانية كتيرة مافيهاش واحد
على عشرة من الاوبشنز اللى فى الميجان
كماليات
الميجان كتيرة جدا
ومنها
باور ستيرنج
كهربائى.
تكييف عادى وتكييف
تاتش فى بعض الاصدارات
راديو CD مع خاصية تعلية وخفض الصوت حسب سرعة
العربية
.
دركسيون فى ازرار للتحكم فى الكاسيت ومثبت
سرعة فى بعض الاصدارات
سنترلوك والعربية
بتقفل نفسها فى حالة سيبتها مفتوحه لمدة 10 ثوان و فى
حالة زيادة السرعة عن 20 كم .
زجاج كهربائى لـل
4 أبواب بيفتح ويقفل بلمسة واحدة.
كارت لتشغيل
وفتح العربية.
6 وسائد هوائية.
*
ABS و EBD
ناقل حركة
مانيوال و أتوماتيك ستيبترونيك
بها نظام Anti - pinch
facility علشان الزجاج مايقفلش على اى عائق
مرايا كهرباء ضم.
سينسور مساحات
زجاج
.
سينسور نور .
ستائر جانبية و
خلفية.
جنوط سبور
15" و 16" فى بعض الاصدارات
أماكن تخزين
كثيرة جدا
إمكانية التحكم
فى شدة إضاءة التابلوه
إمكانية التحكم
فى إرتفاع مستوى النور الخارجى للكشافات
خاصية Follow Me إضائة نور العربية بعد قفلها لمدة 30 ثانية فى حالة انك محتاج لإضاءة الجراج أو الشارع
بعض الاصدارات
فيها مثبت سرعة وفتحة سقف
كميبوتر معلومات
بيوضح
متوسط إستهلاك
البنزين.
إجمالى إستهلاك
البنزين.
متوسط السرعة .
عداد الرحلات .
أعطال السيارة.
ميعاد الصيانة.
شاشة بتوضحلك
حالة فتح الأبواب أو الشنطة مع الصوت.
الميجان فيها اشيك
طريقة لفتح العربية و تشغيلها...واحساس ظريف ان الكمبيوتر بتاع العربية يكلمك ويقولك
دوس فرامل بعدين دوس ستارت....كده....والبنزين بالسرعة دي يكفي قد ايه..
العربية برستيج
عالي جدا من برة
اناقة و روعة فى
التصميم و تقفيل و خامات عالية..وعزل داخلي رائع لدرجة انك لو ضربت كلاكس و انت
قافل القزاز متسمعوش
شكل الهاندبريك
جديد
نيجى للحماية و
الامان
:
العربية فيها 6 وسائد هوائية والقائم الامامى موفر
حماية ممتازة والصاج قوى جدا مش هتلاقى الكلام ده فى اى عربية موديل 2005
ندخل على الصالون
والعفشه:
التابلوه بتاعها
شكله شيك جدا و من أحلى التبلوهات فى فئتها
اضاءه التابلوه
بالون الأبيض مريح للعين
العفشه مش ناشفة
نهائى و مريحة جدا فى المطبات و الشوارع المكسره
الدركسيون بيطلع
وينزل
.
الكرسى بيطلع و
ينزل
حزام الامان
بردوا ممكن يطلع وينزل حسب طول الراكب.
فيه مكانين فى
التابلوه و فى الدواسات للتخزين.
هتلاقى مسند فى
الكنبة الخلفية و مكان للإسعافات عند الزجاج الخلفى
العربيه واسعه
من جوه وبتشيل الركاب الخمسه مرتاحين.اى كانت احجامهم.
الكنبة الخلفية
بتطبق
الصالون فيه
مرايتين فى الشماسة
ندخل
فى المهم
بالنسبه للأداء:
تسارعها جيد و جربتها
على سرعة لحد 210 كم/س و كان الثبات جيد جدا لحد 180 كم .
ومكلبشه فى الارض فى الملفات لانها عريضه
الفتيس الستبترونيك
كويس فى العربية دي لكن ادائها بصراحة مش
رياضي قوي.
الفرامل شديدة
الحساسية ورد فعلها سريع.
العربية عالية
عن الأرض..و ده ممتاز مع شوارع مصر .
عيوبها
التكييف مش فى
قوة اليابانى لكنه يعتبر جيد بالاضافة انه مش بيأثر على الموتور قوى..
طبقة الدهان معزولة
لكن مش قوية علشان كده هتلاقيها بتكلح من الشمس
الخلاصة بتاعة الرينو ميجان 2005
العربية برستيج
عالي مناسبة جدا للمدينة...والسفر العائلي..وتعتبر الأفضل فى فئتها من حيث
الكماليات و الأمان و السعر..
لكن مشاكلها فى
الحساسات الكتيرة والكمبيوتر
تكنولوجيا عاليه
جدا لكن قديمه
العربية تقيلة
فى بيعها علشان التكنولوجيا العاليه دى مش هتلاقى ميكانيكى فاهم وفالح يشتغل فيها
قطع غيارها
موجوده لكن مش منتشرة يعنى هتلف عليها شويه
الحساسات وكارت
الكمبيوتر وكارت الفتيس اسعارهم غاليه وفى حاجات مش هتلاقيها
يعنى من الآخر
فكر كويس قبل ماتشترى رينو ميجان 2005
الشكل ده بالذات
ولو لقيت عربية
رينو ميجان بعد ماتكشف عليها كمبيوتر فى مركز صيانه او محطة بنزين وكانت حالتها
محترمة ومش متهانه وكل كروتها وحساساتها شغاله توكل على الله
لانها عربية
محترمه ومن العربيات الكثيرة المظلومه فى مصر
بس اعمل حسابك
انك تحافظ عليها وماتهملش فى صيانتها لو
عاوزها ماتقلش معاك
فى نهاية
الفيديو
اتمنى اكون قدمت
معلومة مفيده
اشوفكم على خير
سلام