هنتكلم عن ميتسوبيشي
لانسر (كريستالة) الجيل السادس من لانسر(1996-2000)
تعتبر لانسر على
رأس المبيعات لشركة ميتسوبيشى، ومحبوبة جدا ومشهورة فى مصر
ميتسوبيشى لانسر
كان ليها النصيب الأكبر من الألقاب الشعبية، فهتلاقى الجيل الرابع اصدار
الثمانينات من 1988 الى 1994 اخد لقب عيون صفيه وإصدار التسعينات من 92 الى 96 اخذ
لقب البطه واصدار آخر عام 1996 سموه “كريستالة“، من 96 الى 2000
وإصدار من آخر 2000 لحد اول 2003 اخذ لقب “المكواة“، وإصدار 2003 اخذ لقب “البومة“، وإصدار سنة 2007 لقبوه “بالقرش“ او ميتسوبيشى شارك زى مابيسموها.
بالنسبة للمحرك:
اللانسر نزلت بمحركات
1300 و 1500 و 1600 سى سى والثلاثة كويسين جدا وبيقدموا آداء معقول واستهلاك بنزين قليل.
بالنسبة للاصدار اللى نزل بمحرك 1300 سى سى
بدء انتاجه في :1995
إنتها انتاجه في: 2000
محرك احتراق داخلى متعدد النقاط
التسارع من(0-100): 12,5 ثانية
استهلاك الواقود:
من 5,5 لتر لكل 100 كم
على الطريق السريع و 9,2 لتر لكل 100 كم داخل المدينة
السرعة القصوى:
170 كم/ساعة
قدرة المحرك 75 حصان وعزم الدوران: 108نيوتن متر بناقل حركة مانيوال 5 نقلات
3 صباب لكل سلندر
حقن غير المباشر متعدد النقاط
الوزن الكلى:
1485 كجم وده اللى بيعزز
ثباتها على الطريق
الحمولة القصوى:
490 كجم
مساحة صندوق السيارة:
420 لتر
سعة خزان الواقود: 50 لتر
طول 4 متر و20 سم
عرض 1 متر و60 سم
ارتفاع 1 متر و30 سم
والموديل ده نزل منه نسختين واحدة مانيوال
والثانيه اوتوماتيك
النسخة اللى بناقل حركة اوتوماتيكي وبنفس
المحرك ونفس المواصفات ولكن الاختلاف كله كان في الاداء فمثلا بالنسبة لاستهلاك
الوقود الاوتوماتيك اعلي من المانيوال بتعمل بين 6,5 لتر على الطرق السريعة الى
10,6 لتر داخل المدينة وتسارعها ابطأ شويه
وكانت الاوتوماتيك بتوصل لل 100 كم/س في
15,8 ثانية وسرعتها القصوى كانت اقل وتصل
الى 160 كم/ساعة وناقل الحركة الاوتوماتيك 4 سرعات.
الإصدار الثانى
نزل بمحرك بسعة 1500cc ومواصفاته برضوا عالية وقوية وزى
النسخة اللى فاتت ماعدا
القدرة الحصانية للنسخة دى كانت 110 حصان
عزم الدوران 137نيوتن متر
4 سلندر وكل سلندر ليه 4
صبابات يعنى المحرك 16 صباب
وبيشتغل بالحقن الغير مباشر متعدد النقاط
ونزل الاصدار ده بفرامل ايه بى اس وناقل حركة مانيوال
الاصدار الثالث
ويعتبر النسخة الاقوى من لانسر الجيل السادس
ومختلفة من ناحية قوة المحرك والامكانيات
اللي بيوفرها للسائق وهى دى النسخة قبل الاخيرة اللى نزلت من الجيل ده واللى
بنسميها نسخة رياضية.
القدرة الحصانية 205 حصان
عزم الدوران 275 نيوتن متر
4 سلندر ب 4 صباب لكل
سلندر باجمالى 16 صباب
بتشتغل بالحقن الغير مباشر متعدد النقاط
الوزن الكلى اعلى من النسخ اللى فاتت ووصل
1535 كجم
اقصى حمولة قلت عن النسخ السابقه 275 كجم
مساحة صندوق السيارة: 420 لتر
سعة خزان الواقود: 50 لتر
وفيها فرامل ايه بى اس
ونازلة بناقل حركة يدوى
ودى كانت تعتبر النسخة الرياضية من
الكريستاله
لو ركبت اى
اصدار من العربية دى هتحس بقوة المحرك، وصوته العالى كأنك راكب عربية رياضية
وضعيه القيادة
منخفضة والثبات رائع.
نظام
التوجيه بيتميز بدقه عالية هينقلك احساس
الطريق و هيديك شعور بالثقة والسيطره على العربية.
نظام الفرامل
ممتاز حتى بعد الاستخدام المتكرر فى درجات الحراره العالية.
بتتميز
الكريستالة بثبات رائع على الطريق وفى الملفات، وتصميم بسيط وهادئ والشكل الخارجى
حديث لحد يومنا هذا
ومطلوبه جدا
وسوقها ماشى وسعر اعادة البيع محترم .
بتتميز الكريستاله
بموتور قوى فى كل اصداراته وأداء رياضى ، وجسم قوي و مدعم .
كان تصميمها
مبتكراً اول مانزلت ، وشكلها رياضى وبتتمتع بواجهة أماميه مسحوبه و طويلة إلى حد
ما، بالإضافة إلى رفارف أمامية نافرة مش هتلاقيها في اى عربية سيدان. تصميمها بسيط
وهادى مافيهوش سوك كتير وده بيسهل شغل السمكرة . مشكلة الكريستاله انها مش واسعه
وصالونها ضيق يعنى تشيل 4 اشخاص مليانين او 5 رفيعين
وشنطة العربية
حجمها متوسط وفتحتها منخفضة علشان دخول و
خروج الشنط يكون سهل.
لوحة القيادة
سهلة فى التعامل والتشغيل، وتصميمها بسيط ومافيهوش ابتكار وشكل التابلوه عادى خالص
كل الازرار هتقدر
توصل لها وتتعامل معاها بسهولة
أما
عن العيوب
ارتفاع العربية
عن الارض قليل ، وإن كان الكلام ده لمصلحة الثبات،انما طبعا بيتسبب انها تحك فى
المطبات
عداداتها
مختصرة، وخاماتها الداخلية متوسطة.
محبى الكريستالة
بيزيدوا يوماً بعد يوماً واغلبهم من فئة الشباب ، واى حد
بيسوقها بيحبها لانها كوكتيل مابين قوة الموتور والآداء الرياضى والتوفير فى
استهلاك البنزين وصيانتها سهلة وكل الميكانيكيه بيشتغلوا فيها
وقطع غيارها سعرها
معقول والقطع الاصليه معمره والعربية نفسها اعطالها قليلة جدا
الكلام فى
العربية دى مابيخلصش انا لو عايز اتكلم فى تفاصيلها مش هيكفينى فيديو 3 ساعات
مش عايز اطول
عليكم علشان الناس بتزهق
فى نهاية
الفيديو اتمنى اكون قدمت معلومة مفيده
اشوفكم على خير
سلام