السلام عليكم ورحمة الله وبركاته
فى الفيديو ده
هنتكلم عن البيجو 405
في البدايه
هنتكلم عن تاريخ الموديل ده
بدأ انتاجه من سنة
1988 لحد 1996 و لكن بقا انتاجه في مصر من
1994 حتي نهايه 2003
البيجو 405 اخدت
جائزه سيارة العام سنه 1989
وقامت بيجو
بانتاج 10 طرازات من الموديل ده لكن موجود
منها في مصر 4 طرازات
الطراز الاول :-
بيجو 405
gl - glx و
هو موتور 1600 سي سي 8 صباب 1 كامه و كاربراتير و يولد قوه قدرها 92 حصان و تصل
الي 97 حصان بعد فتح التاكيهات نسبيا والطراز ده متوافر بالكماليات و بدون
الطراز الثاني :
بيجو 405
sr و هو متوافر
بموتور 1800 سي سي 8 صباب و 1 كامه و هاف انجكشن يولد قوه تصل الي 108 حصان و
متوافر بجميع الكماليات
الطراز الثالث :
بيجو 405 برستيج و هو متوافر بموتور 2000 سي سي 8صباب و 1 كامه فول انجكشن
يولد قوه تصل
الي 123 حصان و متوفر به جميع الكماليات و فتحة سقف و اوتوماتيك
الطراز الرابع :
بيجو 405
mi16 موجود منه فى مصر عدد قليل بس منتشر اكثر خارج
مصر و متوفر ب موتور 1900 سي سي 16 صباب و 2 كامه فول انجكشن و يولد قوه تصل الي
155 حصان و متوافر بجميع الكماليات
دي الموديلات
الموجوده في مصر
بالنسبه
لاستهلاك الوقود داخل المدينه
الطراز الاول بيمشى
180 كم ب 20 لتر بنزين
الطراز الثاني بيمشى
160 كم ب 20 لتر بنزين
و بالنسبه
للطراز الثالث بيمشى 175 كم ب 20 لتر او صفيحة
اما الطراز
الرابع اللى مش منتشر فى مصر بيمشى 145 كم ب 20 لتر بنزين
و بالنسبه
لتوافر قطع الغيار
فهي متوفره
بكميات كبيره بالنسبه ل اول 3 طرازات و بالنسبه للطراز الرابع فهي قليلة واسعارها
مرتفعة وبعض قطع الغيار مش موجوده
اما الطرازات ال
3 الاولي قطع غيارها اسعارها معقولة و تكاد تكون رخيصه و معمره جدا
مميزات ال 405
صالون واسع
اعتماديه
قوه وعزم
محترمين
سهوله الصيانه و
توافر قطع الغيار
ثبات جيد علي
السرعات العاليه
اتساع الشنطه
الخلفيه
الخامات فى
العربية الداخلية والخارجية جيده جدا بالنسبه للفرنساوي و معقوله بالنسبه للتقفيل
المصري
عيوب ال405
ضعف العزل يعنى
هتسمع وانت قافل الزجاج صوت الشارع وصوت المحرك
هتلاحظ ارتفاع
صوت المحرك و بالاخص في الطراز الثاني و الثالث
وصوت مروحه
التكييف عالى
والتكييف بيأثر
علي سحب العربيه
و دى كانت نظره
عامه عن البيجو 405
بالنسبة لموديل
بيجو 405 gl
بدأ انتاجه 1990
السعه اللتريه -
1600 سي سي كاربرتير
نزل الموديل ده
بكماليات تكييف - سنتر لوك - انذار - 2 زجاج كهرباء امامي - التحكم في ارتفاع و
انخفاض الدريكسيون
-الشكل الخارجي
مش هقدر اتكلم
علي شكلها عشان دي عمليه اذواق لكن هتكلم عن الصاج فعلا العربيه صاجها ناشف جدا
واى حد هيقرب منك وانت سايق هيزعل جامد
والاكصدام
الامامي و الخلفي ناشفين جدا ومش اي خبطه بتاثر فيهم
الايرو
دايناميكس للعربية معقول وثباتها جيد جدا في المناورات
بالنسبة للمحرك
العزم جيد جدا
واجزاء المحرك معمره ولو ظبطت التاكيهات
والصبابات القدرة الحصانية توصل ل 97 حصان
الصالون الداخلي
خاماته محترمة وبيعيش
و طبعا الصالون واسع والقعده فيه مريحة والتابلوه
مرتب و العدادات رؤيتها جيده
شنطه العربية مساحتها معقوله 400 لتر
انا جبت بيها سرعه
قصوي 200 كم/ س وكان الثبات معقول لحد ال 140 كم/ س بعد كده بدأت تعوم
وبالنسبة للعيوب
اللى بتشتكى منها العربية دى فكل حاجه ليها علاج
يعنى بخصوص
العزل مثلا فليها لباد خلف الماتور ورا جوانات الفرن وكمان فوق الشكمان بيبقي فى
قطعة عزل الومنيوم
والعوازل دى بتبقي
متشاله فى كل الموديلات المتقفلة فى مصر مش فاهم ليه
فى حالة لو كان
العزل عندك وحش ركب العازلين دول وانسى صوت الموتور والحرارة اللى بتدخل الكابينه
هتلاقى صوت
الموتور عالى فى النسخ المصرية وده لانهم كانوا بيغيروا ضبط التاكيهات ويعلوا
الموتور وده بيزود استهلاك البنزين وطبعا صوت عالى
وعملوا الكلام
ده علشان طلمبة المياه تلف اسرع وتقلب المياه اكثر علشان العربية تتحمل الحرارة فى
مصر
يعنى بدل مايزود
ريش المروحة او يعمل ردياتير نحاس 6 ماسورة او يغير الطلمبه الضعيفة بواحده اقوى لا كالعاده الوكيل المصرى بيدور على الارخص
علشان يوفر
فيقوم يعمل ايه
يلعب فى التاكيهات علشان يقلل درجة الحرارة بس طبعا على حساب صوت موتور عالى
واستهلاك بنزين كبير وطبعا ده كله مايخصهوش
فلو عندك صوت
عالى واستهلاك كبير اظبط التاكيهات شتوى ولو الحرارة زادت غير الردياتير بواحد
نحاس 6 ماسورة وهات مروحة ريش اكثر وانسى الحرارة
وبالنسبة لتأثير
التكييف فانت مش راكب عربية 2000 سي سي دى فى الاول والاخر 1600 سى سى بس برضه
تاثير تشغيل التكييف بيعتبر مش وحش قوى مقارنه بأى عربيه 1600 مكيفة يعنى العزم
بيقل حاجه بسيطة
البيجو 405 ممتازه و محترمه جدا و لو عاوز فرنساوي يبقي قبل
موديل 93 انما بعد كده كله مصري و اهم علامه تعرف المصري من الفرنساوي ان
الفرنساوي كان فيه اشارات موجود في الاكصدامات الامامي و الخلفي انما المصري لاء و
كمان الحته اللي وسط الفوانيس ورا كانت سودا في الفرنساوي انما المصري كانت بيضا.
اتمنى اكون قدمت معلومة مفيدة
اشوفكم على خير
سلام