استكمالا للجزء الاول عربية
اوتوماتيك بتكييف بسعر 50 الف جنية
والجزء الثانى والثالث اللى
اتكلمنا فيه عن عربية اوتوماتيك بتكييف بسعر من 50 الى 70 الف جنية
ده الجزء الرابع
وهنكمل فيه باقى العربيات فى الفئة السعرية
من 70 الى 100 الف
وإن شاء الله هنكمل مع بعض باقى الفئات
السعرية كلها لحد ما الاقى التفاعل قل مع الفيديوهات وساعتها هعرف انى وصلت
للجزء الأخير
جبتلكم كل العربيات الاوتوماتيك اللى بتكييف
من اسواق العربيات والمعارض واخر تحديث سعر لشهر يناير 2022
كل عربية هقولكم سعرها من كام ل كام
ومواصفاتها وللعلم الفرق فى السعر هو فرق الحالة مش سنة الصنع
ونصيحة بقولها دايما اشترى عربية حالتها
محترمة وبلاش تسترخص
الحاله هى اهم حاجه اهم كمان من سنة الصنع
بنشوف عربيات موديل قديم افضل حالا من
موديلات احدث
واكشف على العربية فى مركز صيانه او محطة بنزين
ولازم تكون العربية رخصتها سارية واشترى
العربية بعقد مسجل شهر عقارى والدفع على رأس العقد فى مقر الشهر العقارى
كل عربية هجيبها هقولكم شوية معلومات عنها
ومميزات وعيوب
وفى نهاية الفيديو هجيبلكم الزتونة
هقول احسن عربيات من كل الانواع اللى
ظهرت فى الفيديو
طيب
بالنسبة للناس اللى بتعلق على الفيديوهات
ويقولوا الاسعار دى مش موجوده
ياسيدى المحترم
السعر اللى فى الفيديو ده سعر التنفيذ
يعنى من الآخر سعر اللى عايز يبيع فعلا مش
سعر اللى بيحلم ولا اللى بيجس السوق ولا المتردد
هتلاقى ناس عارضين عربيات 128 بسعر 60 و 70
الف عايز تشترى منهم اتفضل بالهنا والشفا
لكن ماتقعدش تفاصل معايا فى الكومنتات
وتقولى السعر فى الفيديو مش موجود
انا مش جايب السعر ده من عندى
انا رديت على كل الناس اللى بتشكك فى السعر
وجبت لكل واحد فيهم 10 لينكات لناس بيبيعوا
عربياتهم بالسعر ده على مواقع زى اولكس
وكونتاكت كارز وجروبات الفيسبوك وماسمعتش منهم اى رد تانى
الاجزاء اللى كنت بعملها زمان كنت بنزل بعد
كل جزء فيديو اثبات اسعار واستعراض
لعربيات بتتباع بالسعر اللى فى الفيديو على مواقع البيع وجروبات الفيسبوك وماحدش
كان بيشوف الاثباتات دى وبرضوا كان بيجينى نفس التعليق
انا متأكد ان كتابة الكومنت اسهل من البحث
والناس وصلوا حاليا انهم عاوزين العربيات تجيلهم ديليفرى
مكسلين ينزلوا السوق ويسألوا لدرجة انهم حتى مكسلين يبحثوا على الفيسبوك
ومواقع البيع فى الموبايل
واغلب اللى بيكتب كومنت وبيشكك فى السعر لا
عاوز يشترى ولا يبيع بس كل الحكاية ان عنده نوع العربية دى ومش عاجبه السعر وشايف
انها تساوى اكثر
احب اقول لحضرتك كل واحد فينا نفسه يبيع
عربيته بمليون جنية لكن التقادم والعرض والطلب وظروف البلد هى اللى بتحكم فى الآخر
وتحدد السعر
اللى هو سعر التنفيذ او السعر اللى بتتم
بيه البيعه وهو ده السعر اللى هتلاقيه فى الفيديو
الاجزاء من 70 الى 100 الف جنية
هيكون فيها 40 عربية
وطبعا مش هينفع انزلهم كلهم فى جزء واحد
علشان كده قسمتهم 4 اجزاء
فى الجزء ده هنتكلم عن 10 عربيات بس وغن
شاء الله خلال الايام اللى جاية هكون خلصت الاربع اجزاء علشان ندخل فى فئة سعرية
اعلى
ندخل فى الموضوع علطول
اول عربية معانا
كيا سيفيا 1999 - 2000 بسعر من 70 الى 75 الف
سعة المحرك::
1600 سى سى
ناقل الحركة أوتوماتيك
بلد الصنع:
كوريا
قدرة المحرك 108
حصان
أقصي سرعة: 180
كيلو متر ساعة
مميزات
عربية كيا سيفيا
ناقل الحركة قوي
آدائه متميز ومتوافق مع المحرك.
العربية ثابتة
على السرعات العالية وفى الملفات وبتتحمل مشاق السفر.
من ناحية العفشة
الداخلية متينة وبتتحمل الطرق المكسرة.
مساحات التخزين الداخلية
كبيرة فى الأربع أبواب، والشنطة الخلفية مساحتها 300 لتر
المقاعد
الداخلية للعربية وعجلة القيادة من الجلد
التكييف قوى وبيغطى المساحة الداخلية
كلها فى وقت قصير
ممكن تتحكم فى
عجلة القيادة فى الارتفاع والانخفاض وتصميمها بيخلى رؤية العدادات واضحة جدا
العربية فيها سنترلوك
واضائة فى التابلوه لو الابواب او الشنطة مفتوحة
مساحات الرؤية
كويسه جدا وتقدر تكشف 360 درجه وده بيسهل القيادة وخصوصا على المبتدئين
عيوب
الخلوص الارضى
قليل وده بيخلى العربية واطيه وبتحك في
المطبات العالية.
نزلت العربية دى
فئتين فقط الفئة الأولى فيها طاسات وفتيس مانيوال.
الفئة الثانية نزلت
بجنوط وفتيس اتوماتيك 4 سرعات.
بطيئة فى اعادة
البيع
قطع غيارها غير
منتشرة وفى اجزاء هتلف عليها كتير من الفايبر الداخلى والخارجى والعفشه
تانى
عربية
كيا
سبكترا من 2000 الى 2005 بسعر من 75 الى 90 الف
تم اصدار
العربية دى ب 3 انواع من المحركات الاول 1500 سي سي و الثاني 1600 سي سي والثالث
1800 سى سى.
اصدار العربية
بناقل حركة اوتوماتيكي اربع سرعات و اخر يدوي خمس سرعات.
فتحت سقف ببعض
الفئات
تكييف
باور استيرنج
ايرباج
زجاج كهرباء
سنتر لوك
شكل خشب ابنوس
بمقصورة العربية الداخلية لبعض الفئات.
اصدرا العربية
بنمط سيدان و نمط ليفت باك.
أبعاد كيا
سبكترا
للنسخة السيدان
هي : 4510 مم طول تقريبا * 1700 مم عرض تقريبا * 1410 مم ارتفاع تقريبا.
للنسخة الليفت
باك هي : 4525 مم طول تقريبا * 1725 مم عرض تقريبا * 1425 مم ارتفاع تقريبا.
تمّ تزويد أضعف عربيات
كيا سبكترا 2001 أداءً بمحرّك بنزين 4 سلندر تبلغ سعته 1.5 لتر، ويمكنه توليد قوّة
تصل إلى 95 حصاناً، ويستطيع إنتاج عزم مقداره 132 نيوتن.متر، وترتبط بعض هذه العربيات
مع ناقل حركة يدويّ وتصل سرعتها القصوى إلى 181كم/ساعة، ويمكنها التسارع إلى
100كم/ساعة خلال 13.0 ثانية، ويبلغ معدّل مصروفها من الوقود 6.2 لتر/100كم، ويرتبط
بعضها الآخر مع ناقل حركة أوتوماتيكيّ، وتصل سرعتها القصوى إلى 175كم/ساعة،
ويمكنها التسارع إلى 100كم/ساعة خلال 14.4 ثانية، ويبلغ معدّل استهلاكها من
البنزين 7.2 لتر/100كم.
تضمّ العديد من عربيات
سبكترا 2001 محرّك ببنزين 4 سلندر تبلغ سعته 1.6 لتر ويقوم بتوليد قوّة تبلغ 107
حصان، ويمكنه إنتاج عزم مقداره 136 نيوتن.متر، وترتبط بعض هذه العربيات مع ناقل
حركة يدويّ ويمكنها الانطلاق من الثبات والتسارع إلى 100كم/ساعة خلال 12.1 ثانية،
ويبلغ معدّل مصروفها من الوقود 6.3 لتر/100كم، ويرتبط بعضها الآخر مع ناقل حركة
أوتوماتيكيّ، وتصل سرعتهاالقصوى إلى 183كم/ساعة، وتستغرق 13.4 ثانية للتسارع إلى
100كم/ساعة، ويبلغ معدّل مصروفها من البنزين 7.3 لتر/100كم.
تحتوي أفضل طرز
هذه العربية أداءً على محرّك بنزين 4 سلندر تبلغ سعته 1.8 لتر، ويعمل على توليد
قوّة تصل إلى 128 حصاناً، ويمكنه إنتاج عزم مقداره 158 نيوتن.متر، وترتبط بعض هذه
الطرز مع ناقل حركة يدويّ، وتبلغ سرعتها القصوى 202كم/ساعة، وتستطيع التسارع إلى
100كم/ساعة خلال 10.6 ثانية، ويبلغ معدّل استهلاكها من البنزين 7.4 لتر/100كم،
ويرتبط البعض الآخر من هذه الطرز مع ناقل حركة أوتوماتيكيّ، وتصل سرعتها القصوى
إلى 182كم/ساعة، وتستغرق 11.9 ثانية للتسارع إلى 100كم/ساعة، ويبلغ معدّل مصروفها
من البنزين 8.5 لتر/100كم.
مميزاتها
تكييف قوى
بيشتغل فى اعلى درجات الحرارة بكفائة عالية وتبريد سريع وفيها تحكم فى الزجاج
والمرايات كهربيا
ونظام كاسيت سى
دى وسماعات بصوت نقى
عيوبها
صوت المحرك عالى
ومزعج خصوصاً على السرعات العالية
انخفاض معدل
دوران المحرك وده بيخلى العربية بطيئة نسبياً،
العربية مش
ثابتة على السرعات العالية وخصوصا لو عربية كبيرة عدت جنبك
العربية عفشتها
ناعمه بس مش بتستحمل الطرق الوعرة
اغلب النسخ
مافيهاش فرامل ايه بي اس
الكنبه ورا ضيقة
ومافيش مساحة كافيه ل 3 اشخاص ولو حد طويل مش هيعرف يقعد
لعدم وجود مساحة كافية للقدمين
وفى مشكلة كمان
وهى صعوبة قراءة عداد السرعة.
بطيئة فى اعادة
البيع
قطع غيارها غير
منتشرة وفى اجزاء هتلف عليها كتير من الفايبر الداخلى والخارجى والعفشه
ثالث
عربية معانا
كيا
شوما من 1994 الى 2001 بسعر من 75 الف الى 80 الف
تعد العربية كيا
شومة من العربيات التي قد تم تقديمها من فئة السيدان ذات الخطوط العريضة التي قد
تبدو ظاهرة من الجهة الأمامية من اللون الفضي كما أن العربية تتمتع بالجاذبية من
حيث النظر إليها في المرة الأولى
مميزاتها
العربية تتمتع
بخاصية السنتر لوك
ناقل الحركة
متوافق مع المحرك والنقلات سلسه.
العربية صاجها
قوى وفيها دروع فى القوايم والصدر وده بيخليها تتحمل الصدمات
محرك 1600 سي سي.
فتيس مانيوال
ذات 5 سرعات او اوتوماتيك 4 سرعات.
محرك 4 سليندر قدرته
101 حصان.
السرعة القصوى
186 كيلو متر في الساعة
محرك اقتصادي في
استهلاك الوقود حيث أنه قد يصل إلى استهلاك 6 لتر لكل 100 كيلو متر.
العربية متوفرة
من خلال جنوط مقاس 15 انش بتوفر ثبات وقوة عالية خاصة على الطرق السريعة.
العربية بتوفر
خاصية طي المقاعد حسب الرغبة.
رفع اتوماتك
للزجاج وكهربائي
مساحة الشنطة الخلفية
تصل الي 350 لتر تجويف الشنطة الخلفية منخفض وبيسهل دخول الأغراض
مساحات التخزين
كتيرة جدا
تصميم التابلوه بسيط لكن سهل فى التعامل
نظام صوتى محترم
سى دى و ايه يو اكس
تكييف عالي
الكفائة بيغطى المساحة الداخلية بسرعة
العربية شكلها
رياضى ومساحتها الداخلية كبيرة وكل الركاب الخمسة بيقعدوا مستريحين مهما كانت
اطوالهم
العربية عريضه
ووزنها كبير وده بيديها ثبات عالى فى الملفات وعلى السرعات العالية
مساحات الرؤية
واسعة من خلال الجهة الأمامية أو الخلفية
عيوب
كيا شوما
العربية بيخرج
منها عوادم كثيرة.
بطه بلدى فى السرعة والتسارع علشان وزنها
الكبير
الخلوص الارضى قليل وده بيخليها تحك فى
المطبات العالية
بطيئة فى اعادة البيع
قطع غيارها غير منتشرة وفى اجزاء هتلف
عليها كتير من الفايبر الداخلى والخارجى والعفشه
رابع عربية
كيا ريو ٢٠٠٤ بسعر من 85 الى
95 الف
طرحت شركة كيا
ثلاثة اصدارات من طراز ريو
A / T LX NEW SHAPE SEDAN 1.6
A / T H / L NEW SHAPE SEDAN 1.6
A / T EX NEW
SHAPE SEDAN 1.6
جائت عربية كيا
ريو 2004 ابعاد وسط بين العربيات السيدان والهاتشباك في الوقت ذاته و هو ما يتضح
في القياسات الخاصة بها حيث بلغ طولها الكلي حوالي 4 متر 30 سم ، بينما وصل عرض العربية
بالكامل 1 متر 70 سم ، و الارتفاع الكلي لها بلغ 1 متر 40 سم ، وطول قاعدة العجلات
2 متر 50 سم .
مساحة التخزين
متوسطة في الشنطة الخلفية 387 لتر
بالإضافة
لمساحات تخزين كتيرة داخلية فى الابواب والتابلوه والكونسول
4 سلندر 16 صباب وسعة المحرك 1600 سى سى بقدرة 123 حصان، عند 6000 لفة في
الدقيقة ، وعزم دوران 151 نيوتن متر عند 4850
لفة في الدقيقة
المحرك متصل
بناقل حركة اوتوماتيك من 6 سرعات
معدل التسارع فى
العربية يعتبر متوسط ويبلغ 10.7 ثانية للوصول لسرعة ال 100 كم/س.
سرعتها القصوى
180 كيلو متر/س
مميزات
كيا ريو
زجاج كهرباء فى
الاربع ابواب والتحكم فيه بلمسه واحده
العربية مزودة
بتقنية ايموبلايزر
شكل انسيابي
رياضي
اقتصادية في
استهلاك البنزين
قطع غيارها
متوفرة وأسعارها معقولة
المساحة
الداخلية معقولة لعدد 4 اشخاص
مساحة الشنطة
الخلفية مناسبه
عيوبها
عفشتها ناشفة
نسبيا في المطبات
سحب العربية بيتأثر
بتشغيل التكييف
لو انت طويل
وهترجع الكرسى القعده ورا هتبقا ضيقة
الخلوص الارضى
يعتبر قليل وده بيخليها تحك فى المطبات مع التحميل
خامس عربية
بروتون
واجا 2005 و 2006 بسعر من 80 الى 90 الف
المحرك من انتاج
ميتسوبيشى.
حقن الكترونى
متعدد النقاط .
السعة
الترية 1584 سى سى .
اقصى قدرة 102
حصان عند 6000 لفه فى الدقيقة .
اقصى عزم دوران
140 نيوتن /متر - عند 2750 لفة فى الدقيقة .
الطول 4 متر 46
سم
العرض 1 متر 74
سم
الارتفاع 1 متر
42 سم
طول قاعدة العجلات 2 متر 60 سم
وزن العربية
الكلى 1 طن و 175 كجم
سعة خزان الوقود
60 لتر .
التسارع من صفر
الى 100 كم/س فى زمن 12 ثانية لناقل الحركة اليدوى و 14,7 ث لناقل الحركة
الاوتوماتك .
السرعة
القصوى186 كم/س لناقل الحركة اليدوى ,
181كم/س لناقل الحركة الاوتوماتك.
معدل استهلاك
الوقود 6.1 لتر مع ناقل الحركة اليدوى و
6.5 لتر مع ناقل الحركة الاوتوماتك .
مميزاتها
تكيف هواء قوى .
زجاج كهرباء
امامى - خلفى .
فيها نظام غلق
مركزى للابواب والشنطة مع انذار بدون مفتاح .
باور استيرنج
قوى .
مرايات كهربائية .
امكانية فتح
الشنطه وتانك البنزين من الداخل .
ضبط الكترونى
لمستوى ارتفاع انوار الكشافات الامامية فى بعض النسخ
نظام ABS ( فى بعض النسخ
عدد 2 وسائد
هوائية فى بعض النسخ
اغلاق السيارة
اوتوماتيكا بعد تركها فترة .
كشافات شبورة
امامية .
فرش جلد فى بعض
النسخ .
مساحتها
الداخلية كبيرة وبتاخد 5 اشخاص بالغين
موفره فى استهلاك
الوقود
عيوبها
قطع غيارها
قليلة
سادس
عربية
بروتون
ساجا من 2010 الى 2012 بسعر من 80 الى 90 الف
العربية نازلة بمحرك سعة 1350 سي سي بيولد قدرة 94 حصان عند 6000 لفة فى الدقيقة متصل بناقل حركة يدوي او اوتوماتيك . قوة المحرك مع وزن العربية اللى هو 1 طن و 350كجم بيخلى تستسارعها جيد .
الأبعاد
الطول 4 متر 25
سم
العرض 1 متر 68
سم
الارتفاع 1 متر
50 سم
مساحة التخزين
الخلفية 413 لتر
سعة خزان الوقود
40 لتر
مميزاتها
سحب قوي وتسارع معقول
مش هتلاقى فيها عيوب من ناحية المحرك
العربية مزودة
بنظام تعليق مميز من الشركة الماليزية وتم تعديل نظام التعليق علشان يناسب كل
الطرق وخاصة الطرق المصرية .
الخلوص الارضى
16 سم وده بيخلى العربية تتفادى المطبات فى مصر
جودة التقفيل
ونعومة العربية وقدرتها على التعامل مع الطرق . وابعاد السيارة المناسبة للقيادة .
والشكل الخارجي البسيط.
العربية مزودة
بوسائل امان افضل من باقى العربيات المتاحة فى السوق المصرى في نفس الفئة السعرية
.
هتلاقى فيها
وسادة هوائية للسائق . احزمة امان ثلاثية التثبيت . نظام ايموبلايزر للحماية من
السرقة . فراملها عادية لكن قويه جدا
كراسي امامية
قابلة للتعديل فى الإرتفاع وعجلة قيادة سلسة في التحكم
المساحة الداخلية
جيدة وتكفى 5 اشخاص متوسطين الحجم او 4 اشخاص بالغين .ومساحات تخزين كتيرة فى
الداخل
العيوب
التصميم الداخلي
تعبان شويه وكمان قطع التابلوه الامامي كتيرة ومتجمعه مع بعض وده بيخلى العربية
تطلع اصوات من التابلوه لو مساميره مش مربوطه كويس
خامات السيارة
الداخلية من البلاستيك المقوى والصاج الخفيف . والهيكل الداخلي من الحديد لتعزيز
الامان في السيارة . على مستوى الخامات العربية متوسطة
عدم انتشارها في
السوق المصرى خلى إعادة البيع سيئة.
ارتفاع مصاريف
تشغيلها؛ بسبب استهلاكها للبنزين المرتفع لا تعتبر البروتون ساجا من العربيات
الاقتصادية.
قطع الغيار
غاليه ومش متوفرة بشكل كبير خارج التوكيل.
الأداء والتسارع
ضعيف على الرغم من وجود محرك قوي بها.
مساحة المقاعد
الخلفية صغيرة بسب وجود نفق فتيس بيخلى المقاعد الخلفية تناسب شخصين بالغين وبينهم
طفل صغير.
سابع
عربية
بروتون
چين ٢ موديل من 2006 الى 2009 بسعر 80 الى 95 الف
نزلت بروتون
الماليزية بشاسية من متسوبيشى ومحرك 1600
سي سي بقدرة 110 حصان عند 4000 لفة فى الدقيقة المحرك ده موفر في استهلاك الوقود إلى حداً ما .
لكن صوته عالي على السرعات الكبيرة . وكمان بتقل قدرته مع الاستخدام وبيقل عزمه
الطول 4 متر 31
سم
العرض 1 متر 72
سم
الأرتفاع 1 متر
34 سم
الوزن 1 طن و 90
كجم
المميزات
ثبات عالى فى
الملفات وعلى السرعات الكبيرة
العربية سريعة ووزنها
معقول .
توفير فى
استهلاك الوقود
تكييف هواء
.راديو.CD.زجاج
كهربائي.سنتر لوك
العيوب
نظام التعليق
سيئ على الطرق المكسرة واعطاله كتير
التصميم الداخلي
بدائى جدا ومش مريح ولا سهل فى
نزلت العربية في
مصر بموديلات مافيهاش وسائل أمان زى الوسائد الهوائية او الفرامل مانعة للانغلاق
قطع غيار بروتون
Gen 2
مش متوفرة وكمان أسعارها مرتفعة بالمقارنة بالكورى واليابانى
صيانها معقدة ومش
هتلاقى ميكانيكية كتير يعرفوا يشتغلوا فيها وده بيضطر ملاكها للتعامل مع التوكيل اللى طبعا
بيستغل الفرصة ويغلى أسعار الصيانة
عزم العربية جيد
على السرعات العالية لكن في بداية الانطلاق بيكون العزم ضعيف.
ضعف مستوي
التقفيل اللى بيتسبب فى ظهور اصوات كتيرة من الصاج والفايبر الداخلى والخارجى
العزل فيها سيئ
وهتسمع صوت الموتور والناس فى الشارع
المقاعد الخلفية
ضيقة بسبب نفق الفتيس اللى واخد حيز كبير من المساحة الداخلية.
إعادة بيع الموديل
ده من بروتون Gen 2
سيئة
ثامن
عربية معانا
هيونداي
فيرنا من 2004 الى 2011 بسعر 80 الى 100 الف
نزلت فيرنا
بمحرك 1600 سي سي قدرة 106 حصان مع وزن 1405كم وده بيخلى العربية سريعة في فئتها .
ومحركها يناقل حركة عادي او اوتوماتيك
السرعة القصوى
190 كم /س
نظام التعليق
يوفر للعربية المرونة المطلوبة على الطرق المصرية لكن واجهت فيرنا بعض العيوب في
عدم قدرها على الثبات بسبب العجلات الرفيعة وخفة وزنها . وكل اللى بيشترى فيرنا
بينصح بتغيير العجلات بعجلات تانية عريضه علشان توفر الثبات
والمشكلة الاكبر
هى عدم القدرة على الفرملة في وقت قصير
العربية بتشيل 4
اشخاص بالغين بشكل جيد الطول : 4260مم
العرض : 1680مم
الارتفاع :
1405مم
مساحة التخزين
الخلفية : 334لتر
المميزات
تسارع ممتاز
سعر اعادة البيع
جيد جدا وسرعة اعادة البيع ممتازة مش فاهم ليه
تكييف هواء
زجاج كهربائي امامي وخلفي
باور ستيرنج
سنتر لوك بالريموت كنترول
مصابيح ضباب امامية
راديو سي دي 4
سماعات
احزمة امان
مقعد السائق
قابل لتعديل فى الارتفاع
قليلة الأعطال
وقطع غيارها متوفرة في كل مراكز الخدمة وعند كل تجار قطع الغيار
موفرة في
استهلاك الوقود و خزان البنزين
العيوب
صاج ضعيف
ثبات سيئ على
السرعات المتوسطة والعاليه وثبات صفر فى الملفات
وتعتبر من اكثر
العربيات اللى بتتقلب فى مصر وحوادثها مميته
على ارض الواقع
لم تتم اي اختبارات للفيرنا . من اي مؤسسة عالمية
العربية مافيهاش
أي وسائل امان . وتعتبر خطر وغير آمنة
مساحة التخزين
صغيرة نسبياً والفرش الداخلي غير جيد
ضعف الفرامل
وضعف منظومة التعليق مع السرعة العالية.
المقاعد
الموجودة فيها سيئة ومش مريحة وكمان مصنوعة من خامات رخيصة
الخلوص الارضى
قليل وده بيأثر على راحة الركاب وخصوصًا في الطرق المتعرجة الغير ممهدة.
المكيف ضعيف ومش
بيوصل للركاب في المقعد الخلفي وكمان بيأثرعلى المحرك خصوصًا في السرعات العالية.
ناقل الحركة خشن
وغير متوافق مع المحرك
العربية
التاسعة فى الجزء ده
هيونداي
جيتز 2011 بسعر 85 الف
عربية شبابية
بتصميم انسيابي صنعتها شركة هيونداي في الفترة من 2002 الي 2011 ، وتم تسويقها في
الأسواق العالمية عدا سوق الولايات المتحدة وكندا والصين ، واتقدمت عالميا في نسخ
هاتشباك بثلاثة أبواب وخمسة أبواب.
طلع عليها اسماء
كتيرة حسب الدولة فمثلا اسموها كليك في السوق الكوري وجيتز برايم في السوق الهندي
وTB
في اليابان وانكوم جيتز في ماليزيا ودودج بريسا في فنزويلا. وتوفرت في مصر في 4
اصدارات اثنان مانيوال واثنان أوتوماتيك وهي بتعتبر عربية مناسبة للمدن وللحركة
الخفيفة وحجمها الصغير بيديها امكانية المناورة في المدن ببساطة والركن في أماكن
ضيقة.
نزلت بمحرك سعة
1100 سي سي GSI بقوة 65 حصان عند 5500 لفة في الدقيقة
وعزم دوران 96 نيوتن متر عند 3200 لفة في الدقيقة مع ناقل حركة مانيوال . اقتصادية
في استهلاك الوقود بواقع 6.5 لتر لكل 100 كم والمحرك ده نزل في موديلات 2004
و2005. ونزلت بمحرك تانى سعة 1300 سي سي
وفى النسخ
الاحدث نزلت بمحرك سعة 1600 سي سي 4 سلندر
بقوة 105 حصان وهو نفس المحرك اللى في موديلات فيرنا وماتريكس وكان نازل بناقل
حركة أوتوماتيك 4 سرعات أو مانيوال 4 سرعات مع خزان وقود سعة 45 لتر
الطول 3 متر 82
سم
والعرض 1متر 66
سم
والارتفاع 1 متر
49 سم
وقاعدة العجلات
بطول 2 متر 45 سم.
أما المقصورة الداخلية
, شكل العربيات السوبر ميني وتميمها الداخلي مميز ورغم أن حجم العربية صغير من
الخارج لكن الصالون الداخلى واسع ومساحة التخزين الخلفية متوسطة لدرجة ان ملاك
العربية بيقولوا ان مساحتها الداخلية اوسع من الفيرنا وبتستوعب 5 ركاب بشكل جيد والمقاعد
مريحة وقابلة للتعديل ووضعية التحكم في العدادات وباقي وظائف العربية سهل أما
مستوى الرؤية فهو جيد لكل الزوايا وأبعادها سهل حفظها والتعود عليها. بتتميز
بخامات جيدة للتابلوه والأبواب والمقاعد مع امكانية طي المقاعد الخلفية وتحريك
الظهر للمقاعد للخلف مع مساند رأس قابلة للتحرك في المقاعد الأمامية والخلفية.
المميزات
المحرك قوى
والعربية سريعة وسواقتها ناعمه وسهلة في المناورة وسحبها عالي والتسارع جيد
التكييف قوي و
لا يؤثر على السرعة
نظام صوت راديو
سي دي MP3
ديجيتال مع سماعات في الأبواب
صيانتها سهلة
وقطع غيارها متوفرة كوري وصيني وأرخص لأن المحرك المستخدم فيها موجود في كتير من موديلات
هيونداي زى فيرنا وماتريكس
الخلوص الارضى
كبير وده بيخليها تتفادى المطبات
بتتميز بالشكل
الرياضي وتعتبر من العربيات الجيدة في سوق المستعمل وعليها طلب كبير وسعر اعادة
البيع جيده جدا والمميزات اللى بتخلى سوقها ماشى المحرك القوي 1600 سي سي والتسارع
الجيد وسرعتها والتكييف القوي والحجم الداخلي الجيد ورأى الناس فيها
العيوب
رغم أنها مميزة
في أمور كتيرة لكن يعيبها ضعف عوامل الأمان
لانها بدون وسائد هوائية أو فرامل ABS والكلام ده فى النسخ
اللى نزلت مصر فقط اما اللى بتتباع فى باقى العالم فيها كل وسائل الامان
العزل سيئ بسبب
قوة المحرك مقارنة بحجمها وصوت المحرك بيبقا اعلى من صوت الراديو على السرعات
العالية.
قطع غيارها سعرها
مرتفع بعض الشيء وهتلف شويه علشان تلاقيها وخصوصا قطع غيار العفشة
ثباتها متوسط على
السرعات العالية من 140 كم وانت طالع وفي المطبات الهوائية مع الجنوط الصغيرة
لكن الجنوط 15
بوصة بتظبط الثبات
عفشتها رياضية ناشفة
خاصة في المطبات
العربية
العاشرة والاخيرة فى الجزء ده
جيلى
اميجراند 2014 بسعر 95 الف
نزلت اميجراند بمحرك
DOHC, CVVT
سعة 1500 سي سي 4 سلندر 16 صباب بقوة 107 حصان عند 6000 لفة في الدقيقة وعزم دوران
140 نيوتن متر عند 4000 لفة في الدقيقة
والسرعة القصوى تبلغ 165 كم/ساعة مع نسبة استهلاك الوقود أقل من 6 لتر لكل 100 كم
مع صندوق التروس مانيوال من خمس سرعات أمامية وواحدة خلفية والعربية بتشتغل بنظام
الجر الأمامي.
خزان الوقود سعة
50 لتر.
أبعادها الطول 4
متر 63 سم
العرض 1 متر 68 سم
الارتفاع 1 متر 47 سم
قاعدة العجلات
بطول 2 متر 65 سم
مع خلوص ارضي 16.7 سم
وأقل قطر دوران
5.25 متر
والوزن 1 طن و
280 كجم
مساحة الشنطة
الخلفية 680 لتر
بالنسبة للعفشة
فالتعليق الأمامي ماكفيرسون والتعليق الخلفي عمود وذراع عزم تورشن بيم
مميزاتها
متوسط استهلاك الوقود
مناسب
حجم الصالون
الداخلي واسع ومناسب لتواجد 5 ركاب بشكل مريح
لكن لازم يكونوا
من أصحاب الحجم المتوسط
بتتمتع بعدادات
جيدة باضاءة مميزة
قطع الغيار
منتشرة بصورة كبيرة داخل وخارج التوكيل واسعارها مناسبة
العربية مريحة
في المطبات وفى الملفات
جيلي امجراند 7
سيارة منتشرة جدا في السوق المصري وحققت مبيعات كبيرة علشان كده اعادة البيع سريعة
وسعر اعادة البيع محترم
فرامل مانعة
للانزلاق ABS
توزيع الكتروني
لقوة الفرامل EBD
ديسكات أمامية
وخلفية ذاتية التهوية
أبواب مدعمة
بقضبان حماية ضد الصدمات الجانبية
وسادتين أمان
للسائق والراكب الأمامي
جهاز إنذار مانع
للسرقة + اموبلايزر
قفل مركزي
بريموت كنترول
قفل حماية
للأطفال في الأبواب الخلفية
غلق للأبواب عند
السرعات العالية
أحزمة أمان
أمامية وخلفية ثلاثية التثبيت مع تحذير من عد الربط
تحذير عدم غلق
الأبواب أو ترك أنوار السيارة وفي حالة نسيان مفاتيح السيارة بالداخل
خزان وقود مضاد
للانفجار والتسريب
تثبيت مقعد
أطفال بالرف الخلفي للسيارة مع حزام أمان
مصابيح الضباب
في الاكصدام الخلفي
بارك سنسور
عزل داخلي
للكبوت
عيوبها
اغلب المشاكل بتتعلق
بقدرة العربية على السحب
مقدرش اقول أنها
عربية سريعة أو قوية على الطريق وبتظهر المشكلة زى ما بيقول بعض ملاك الاميجراند
في مطالع الكباري
مقاعدها مش
مريحة لانها عالية وغير مرنة, والخامات الداخلية في المقصورة رخيصة
علوها عن الارض مش كبير وبالتالي بتحك فى المطبات
ثباتها سيئ على
السرعات العالية فوق 120 كم
فى مشاكل وشكاوى
كتير بخصوص الصدأ خاصة في موديلات 2014 وبسبب مشاكل فى العفشة بتتعرض للحوادث بسبب
انكسار محاورها أو عجلاتها
دى
كانت آخر عربية معانا فى الجزء ده
الجزء
الخامس هيكون فيه 10 عربيات هنشرحهم بالتفصيل
فى
نهاية الفيديو
اتمنى
اكون قدمت معلومة مفيدة
اشوفكم
على خير
سلام