فضيحة هيونداى فيرنا اكبر خدعة فى تاريخ استيراد السيارات فى مصر

السلام عليكم ورحمة الله وبركاتة

قانون رقم 281 لسنة 94 لمكافحة الغش التجارى

لمشاهدة الفيديو

بيتكلم عن الغش بكافة انواعة واللى يهمنا منه الجزئية الخاصة بصناعة واستيراد السيارات
الكلام على ايه

الكلام على العربية اللى الناس بيقولوا عليها هيونداى فيرنا وهى شكلا لاهيونداى ولا فيرنا وللامانة العلمية سميناها هيونداى غبور زى مثلا لما كارفور يغلف مكرونة ويسميها مكرونة كارفور
ده استعراض لمواد قانون الغش التجارى وفى مواد تانية كتير جدا لكن هنستعرضها فى فيديوهات قادمة
الفيديو ده بداية لمجموعة فيديوهات خاصة بالغش التجارى فى قطاع صناعة واستيراد السيارات فى مصر بعد استعراض مواد القانون  هندخل على التفاصيل وفيديوهات تثبت الكلام ده
مع كامل الاحترام لكل الوكلاء وخاصة شركة جي بي غبور أوتو وكيل هيونداى فيرنا ووكيل باقى سيارات هيونداى من التسعينات حتى الان الشركة دى قدمت علامة هيونداى ودعمتها بمراكز صيانة وخدمة مابعد البيع لحد مابقت من اكثر العلامات مبيعا فى مصر وكفاية انك تعرف ان هيونداى اكسيل اللى لحد دلوقتى ماشية فى شوارعنا  كانت اولى سيارات غبور ولكن الفيديو بغرض توعية الناس وخصوصا اللى مايعرفش منهم شكل ومواصفات وامكانيات هيونداى فيرنا الحقيقية او اللى مصدق كذبة ان اللى بتتباع بره دى اكسنت مش فيرنا
نبدأ على بركة الله

دى هيونداى فيرنا موديل 2019 من غبور واللى بتتباع عندنا فى مصر بقالها 12 سنة على انها احدث موديل بنفس الشكل والامكانيات المتواضعة والتجميع المصرى ونفس المشاكل والعيوب ولكن بسعر مضاعف كل سنة
حاولنا نعرف اسمها الحقيقى ايه وهل هى فعلا هيونداى وهل بلد المنشأ فعلا كوريا ولا تطلع قطع غيار صينى فى الآخر وبتتجمع فى مصر
لكن  بعد البحث ماوصلناش لاى نتيجة غير انها مش فيرنا ومش هيونداى وبندعى ربنا انها ماتطلعش صينى
العربية دى عدم ثباتها واتزانها وضعف فراملها بالاضافة الى خفة الوزن وطبعا وسائل الامان المتواضعة  كل ده تسبب فى كثير من حوادث الطرق
عربية بتجمع بسرعة بس لو راجل توقفها ونصيحة للى عنده العربية دى ماتفكرش تجيب اكثر من 120كم/س لو عاوز تعيش
بنستعرضها من موقع كونتاكت كار وموقع المصرية للسيارات  وزى ماحنا شايفين نازل منها خمس فئات وبيبدأ سعرها من 192 الف واعلى فئة سعرها 224 الف الفرق بينهم تفاهات وهى فى الواقع بشكلها وامكانياتها  لاتساوى ابدا هذا السعر

ماشية فى شوارع مصر من 2007 هتشوفها ملاكى واجرة وانتشارها  راجع لسعرها فى بداياتها اللى كان يعتبر سعر معقول ومناسب وقتها  لامكانياتها وشكلها
وانتشرت اكثر اثناء صفقة القرن وتحويل التاكسى الابيض واسود الى تاكسى الشطرنج اللى موجود حاليا كانوا بياخدوا من الناس عربياتهم ويعتبروها مقدم للعروسة هيونداى غبور فيما عرف بمجزرة إحلال التاكسى
هنلاحظ ان الشكل واحد والامكانيات اللى بتتغير من فئة للفئة الاعلى  كلام تافة مايستحقش الفرق ده يعنى لاشوفنا فتحة سقف كهرباء او حتى ركن ذكى ولا وسائل امان محترمة ولا مثلا انظمة مساعدة السائق او مساعدة الفرامل 

العربية بشكلها المتواضع اللى متغيرش من 12 سنة واللى بيخلي صاحب العربية بس هو اللى متأكد انها زيرو انما باقى البشر اللى شايفينها فاكرين انها موديل قديم
يعنى لو اشتريتها لازم تسيب الكياس اللى على الكراسى علشان تحس انها جديدة او تكتب عليها زيرو
ودلوقتى هنستعرض سيارة هيونداى فيرنا المحترمة التى تباع بالخارج من مواقع اوروبية خاصة ببيع السيارات الجديدة والمستعملة
هنبدأ بموقع درووم وموقع كار اند بايك وموقع كاروال وهنستعرض موديل 2019 ونرجع بآلة الزمن نشوف السنه اللى قبلها واللى قبلها علشان تتأكدوا بنفسكم ان الشكل اللى موجود حاليا بعيد جدا عن اسم هيونداى فيرنا فكرت اقول امكانيات هيونداى فيرنا الحقيقية المباعة خارج مصر المحروسة  بس لاقيت انه ضياع وقت وماحدش هيهتم لانها كده كده مش موجودة