مواقع بيع السيارات عاوز تشترى عربية من اولكس خطوة بخطوة وكل تفاصيل الشراء باقل سعر ادخل هنا
Ehab Bakr
مواقع بيع السيارات عاوز تشترى عربية من اولكس خطوة بخطوة وكل تفاصيل الشراء باقل سعر ادخل هنا
السلام عليكم ورحمة الله وبركاتة
اصدقائى الاعزاء مرحبا بكم من جديد فى فيديو عن طريقة شراء سيارة من موقع اولكس
الموضوع ده فى ناس كتير تعرفه ومش غريب عليهم وفى ناس اكل عيشها اصلا الحكاية دى
يعنى بيستلقط عربية من اولكس او من اسواق السيارات ويرجع تانى يبيعها على اولكس ويكسب هامش ربح يمشى بيه الدنيا او يزود دخله
عموما الفيديو موجه لاصدقائنا اللى عايزين يعرفوا ازاى نشترى عربية من اولكس وازاى يفهموا كل حاجة على اولكس علشان يحققوا اقصى استفادة من الموقع الجميل ده
والاهم يعرفوا اذا كان اللى بيبيع العربية صاحبها ولا تاجر !!!
مش بقول كده علشان ماتشتروش من تجار اولكس لا ابدا
لكن علشان تعرف قبل ماتشترى هتشترى من مين ؟
لان التاجر اكيد طبعا هياخد هامش ربح كبير او صغير انت وحظك بقا
انا اعرف تجار كتير جدا على اولكس بيتعب لحد ما يجيب عربية محترمة ويشتريها بنظرة الخبير ويعرضها بهامش ربح معقول
بس فى برضه نوعية تانية من حبايبنا المستغلين بيبقا جايب كنبة وشاددها ومخبى البلاوى تحت المعجون
عموما كل ده هشرحه بالتفصيل خطوة بخطوة مع ان الموضوع ده هيزعل ناس كتير تجار اصدقائى لكن اللى يزعل من الحق والصح يبقا ماشى غلط
فى البداية لازم نعرف مواقع السيارات اللى ممكن نشترى منها وبعدين هعمل اجزاء عن كل موقع واقصى استفادة منه
اولكس طبعا اشهرهم وده موقع بيتقابل فيه الشارى مع البائع من غير سمسرة ولا الموقع بيستفيد منهم اى حاجة الا لو حد حب يميز الاعلان بتاعه او يخليه فى نتائج البحث الاولى المهم الموقع بياخد منه مبلغ نظير هذه الخدمة
اما عملية عرض السلعة والبيع والشراء او الايجار فكل ده مجانى 100%
يعنى لا بتدفع سمسرة ولا ارضية ولا اى حاجة لا ف بيع ولا شراء والقصة كلها ببلاش …… حلوة الحكاية دى …. طبعا حلوة
بس اهم حاجة تخلى بالك من شوية تفاصيل صغيرة هقولها وسط الكلام وياريت لو تتابع الفيديو للآخر علشان الموضوع يكمل والصورة كلها توضح
لو عجبك الفيديو دوس لايك وشيره على قد ماتقدر علشان عدد اكبر يستفيد وممكن تشترك فى القناة وتفعل ذر الجرس علشان تجيلك كل الفيديوهات الجديدة
نبدأ على بركة الله
اولا ايه المواقع اللى ممكن نشترى منها عربيات مستعملة فى مصر؟
هسيبلكم لينك المواقع دى فى الوصف اسفل الفيديو وهتكلم عنهم بالتفصيل فى فيديوهات تانية
بالترتيب حسب الافضل
اولكس– كونتاكت كارز – موقع هتلاقى – موقع مصركار– السوق المفتوح او اوبن سوق – يالا موتور – ايجى كار – فورسيدان – دوبارتر – درايف ياللا
كارسمسار – كارز داير
وفى مواقع تانية كثيرة بس الترافيك بتاعها قليل او اقصد الحركة والمعروض للبيع مش هيجازى
كلامنا النهاردة على موقع اولكس
طيب انت بتدور على عربية ومعاك ايه من المعطيات , يعنى مثلا بدور على عربية دايو لانوس موديل 98
